Kronikë

Të mërkurën gjyqi për Zykajn. Policët: Ka pamje psikopati të frikshëm


               Publikuar në : 15:10 - 15/04/19 |
geliano fataj

Të mërkurën në Gjykatën e Vlorës do të zhvillohet gjyqi ndaj autorit të masakrës së Selenicës, Ritvan Zykaj.

Prokuroria dhe gjykata kanë marrë informacion se disa nga dëshmitarët janë larguar nga vendi. Kurse ata që do të paraqiten, pritet të tregojnë detaje të frikshme rreth ngjarjes dhe autorit të saj.

Por sipas prokurorit Saimir Smaka, mungesa e dëshmitarëve nuk do të pengojë zhvillimin e gjyqit. Seanca e tretë ndaj Zykaj vjen pas dy seancave paraprake, ku autori i masakrës nuk ka qenë i pranishëm.

Ndërkohë Ritvan Zyka vazhdon të qëndrojë në dhomat e izolimit në Policinë e Vlorës. Ai nuk flet me askënd dhe askush nuk ka shkuar ta takojë. Policët që kanë mundur ta shikojnë nga afër, tregojnë se Zykaj shfaqet si një qenie jo e zakonshme.

As qesh e as qan, por me një pamje psikopati të frikshëm. Ai është vrasësi i tetë kushërinjve të tij në 10 Gusht të vitit të kaluar, midis tyre një fëmijë tetë vjeç dhe një adoleshente./Opinion.al

Pas