Aktualitet

Asnjë gjurmë në telefonin e Muratajt, detaje nga hetimet për grabitjen


               Publikuar në : 15:46 - 15/04/19 |
geliano fataj

Automjeti i djegur në fshatin Dritas nga grabitësit e 6.5 milionë eurove në Aeroportin e Rinasit, i është nënshtruar ekspertizës në Drejtorinë e Policisë së Tiranës. Këtë të hënë, policia zhvendosi automjetin e djegur, ndërsa mësohet se në brendësi të tij nuk u gjetën gjurmë biologjike.

Ndërkohë një celular i thjeshte dhe i pakoduar, i gjetur në furgonin me mbishkrimin “Hetimi tatimor”, nga kontrolli paraprak që i është bërë, ka rezultuar se nuk ka pasur të regjistruar asnjë thirrje zanore që do të ishte me vlerë për grupin hetimor. Megjithatë aparati celular do të dërgohet në Izrael për të hedhur më shumë dritë mbi bashkëpunëtorët e Admir Muratajt.

Nga përgjigjja paraprake e ekspertizës që i është bërë Muratajt, ka rezultuar se ai u qëllua me një plumb në kokë nga policia, gjatë shkëmbimit të zjarrit. Në vendngjarje u fiksuan mbi 100 gëzhoja arme zjarri të kalibreve të ndryshme.

Po ashtu hetuesit kanë nisur të verifikojë në disa servise makinash, për të mësuar se ku mund të jetë modifikuar shasia e mjetit, të cilit i ishte vendosur një shinë treni, për të bërë të mundur lëvizjen e bllokut të betonit. Gjithashtu, po verifikohen edhe disa biznese private të reklamave ku mund të jetë printuar logo “Hetimi Tatimor” i ngjitur në furgon./Opinion.al

Pas