Mëngjesin e sotëm kryeministri Edi Rama publikoi në faqen e tij zyrtare në “Facebook”, disa shifra krahasuese sipas të cilave, nga viti 2006-2013 bizneset e mëdha kanë paguar 13 miliardë lekë taksa ndërsa nga 2014-2019 kanë paguar 39 miliardë.
Sipas Ramës, kjo renditje tregon qartë se të ashtuquajturit “oligarkët”, kanë paguar 3 herë më shumë taksa se në qeverinë e PD.
Lidhur me këtë çështje ka reaguar deputetja e PD, Jorida Tabaku, e cila shprehet se kryeministri e pranon vetë se 10 oligarkëve u ka dhënë 2100 tendera vitin e kaluar.
Tabaku thotë se për shkak të politikave që ka ndjekur qeveria në ekonomi ka sjell falimentimin biznesit tëe ndershëm dhe ka varfëruar shqiptarët.
LEXO EDHE: Rama e nis ditën me shifra, krahason taksat që kanë paguar “oligarkët”
Reagimi i Tabakut
Më vjen mirë që e pranon vetë se këta janë 10 oligarkët. Dy gjëra që t’i kuptojë Rama dhe t’i kuptojnë ata që ka rreth e rrotull që e mësojnë dhe që ia thonë.
Tatimi mbi fitimin ka qenë 10%, është rritur 15%. Matematikë e thjeshtë që po e dyfishove tatim fitimin paguan më shumë biznesi, do mbajë më pak për investime dhe do të paguajë më shumë.
Së dyti, këto 10 biznese që thotë Rama, janë 10 oligarkët e tij sepse ashtu siç e pranon edhe vetë dhe ashtu siç e tregon regjistri kombëtar i llogarive dhe i tatimeve dhe çdo bilanc zyrtar i dorëzuar të vetmet biznese që kanë qenë me rritje të fitimit kanë qenë bizneset që kanë marrë koncesione.
Norma më e lartë e fitimit është tek koncesionet, shkon norma e fitimit deri në 50% ndërkohë që një biznes i vogël sot ul qepenin sepse nuk ka xhiro.
Po të marrësh 50% fitim do të paguash më shumë tatim fitim. Këta 10 oligarkët që thotë Rama kanë marrë 2100 tendera vetëm vitin e kaluar. 1 në 3 tendera i kanë marrë pa garë.
Le të flasim për shqiptarët e thjeshtë, le të flasim për shqiptarët që nuk marrin tendera dhe koncesione, le të flasim për shqiptarët që sot merren me punë të ndershme, të mos flasim për këta që jetojnë me korrupsion.
Ne kur diskutojmë për tatim-fitimin për 97% të shqiptarëve, nuk diskutojmë për kompanitë që Rama u jep tendera dhe koncesione. Flasim për qytetarët e thjeshtë.
Ka një fakt të pranuar gjatë qeverisjes së Ramës është rrita e taksave dhe tatimeve me 4.2 miliardë euro për 7 vite që e kanë paguar një më një bizneset e ndershme dhe taksa progresive ka krijuar pabarazinë më të madhe të mundshme. Sot e gjithë pasuria në Shqipëri është e përmbledhur në 2.5% të njerëzve./ Opinion.al
