Kryesore

Rama e nis ditën me shifra, krahason taksat që kanë paguar “oligarkët”


Bëhu pjesë e Grupit Zyrtar të Opinion.al
>> KËTU <<
               Publikuar në : 08:20 - 01/10/20 |
el ida

Kryeministri Edi Rama e ka nisur mëngjesin e sotëm me shifra.

Përmes një postimi në Facebook, kreu i qeverisë ka publikuar disa shifra krahasuese sipas të cilave, nga viti 2006-2013 bizneset e mëdha kanë paguar 13 miliardë lekë taksa ndërsa nga 2014-2019 kanë paguar 39 miliardë.

Sipas Ramës, kjo renditje tregon qartë se të ashtuquajturit “oligarkët”, kanë paguar 3 herë më shumë taksa se në qeverinë e PD.

“Mirëmëngjes dhe me këtë të dhënë krahasuese, e cila tregon fare qartë se “oligarkët” kanë paguar 3 herë më shumë taksa në 5 vjet, se sa në të gjitha vitet e qeverisjes së atyre që shpifin e shpifin që diçka të mbetet, ju uroj një ditë të mbarë”, shkruan Rama.

Prej disa ditësh kreu i qeverisë po publikon shifrat e taksave apo paketave financiare të mbledhura në vite qeverisje për kategori të ndryshme shoqërore./Opinion.al

Pas