Politikë

Tabaku: Kemi rrogat më të ulëta në rajon, Rama shtoi kostot për biznesin


Bëhu pjesë e Grupit Zyrtar të Opinion.al
>> KËTU <<
               Publikuar në : 19:30 - 09/10/20 |
Al Do

Ish-deputetja e Partisë Demokratike, Jorida Tabaku akuzon kryeministrin Rama se gjatë qeverisjes së tij janë shtuar kostot për qytetarët dhe bizneset ndërkohë që i është dhënë pushtet atyre që ajo i quan oligarkë.

Në një status në Facebook, Tabaku replikon me kryeministrin duke thënë se Shqipëria e vërtetë nuk është ajo që prezantoi ai sot në Asamblenë Kombëtare të Partisë Socialiste, por se “Shqipëria reale sot është ajo e 38 mijë bizneseve që mbyllen, e 97% e shqiptarëve që paguajnë me shume taksa.”

Shqipëria e shtresës së mesme të nëpërkëmbur, e dijes së mbitaksuar. Shqipëria e borxhit publik 90%. Shqipëria e atij që punon njësoj si fqinjët por merr rrogën mesatare më të ulët se kushdo në rajon.”, shkruan Tabaku.

Përfaqësuesja e Partisë Demokratike shton se biznesit të vogël iu shtua kostoja nga vendimi i qeverisë që detyroi të marrin një kontabilist si dhe nga tenderi i fiskalizimit i cili sipas saj do t’i kushtojë bizneseve të vogla 2000 euro në vit.

Eshte I njëjti kryeministër që në shtator 2017 i vendosi bizneset me mbi 2 mln lekë xhiro që të paguajnë TVSH, të marrin një kontabilist dhe tiu dyfishohen kostot. Edi Rama qe sot gjoja ka shqetësim biznesin e vogël eshte njeriu qe keqperdori 16 mln euro në një tender korruptiv për fiskalziimin që do t’i kushtojë bizneseve të vogla 2000 euro në vit. Eshte i njejti qe e shndërroi qeverinë në postiere të interesave të oligarkëve në kurriz të bizneseve të vogla. Të njeriut që mbylli mbi 50 biznese në ditë për dy mandatet e qeverisjes së tij.”, deklaron Tabaku.

Ajo ka ndaluar edhe te çështja e oligarkëve duke u shprehur se kryeministri Rama ka marrë vendime në favor të tyre edhe në kulmin e krizës së pandemisë.

Ne ditet me te veshtira te shqiptareve, ne kulmin e krizes dhe pandemise Edi Rama vazhdonte të jepte miliona euro për koncesionet. Jo me larg se dje, kryeministri qe sot i rikthehet premtime te vjetra te pambajtura, ka paguar 24 mil euro per inceneneratorin e Fierit, qe eshte thjesht nje godine bosh. Kryeministri që mbylli shitoret dhe marketet e lagjes për t’i dhënë pushtet oligarkëve. Njeriu që uli tavanin e blerjeve online vetëm për t’i bërë nder oligarkëve të vendit. Kush mund ta besojë një figurë të vjetër që i ka rënë dhe fantazia?! Askush!

Me të vërtetë Rilindja është e keqja më e madhe por dhe belaja më e madhe që u ra për pjesë shqiptarëve. Nga ky zullum e bela do të shpëtojnë në 25 prill.”, mbyll postimin e saj Jorida Tabaku. /Opinion.al

Pas