Aktualitet

“Ta marrë pensionin në këtë jetë,”, 70-vjeçari kërkon ndihmë


Bëhu pjesë e Grupit Zyrtar të Opinion.al
>> KËTU <<
               Publikuar në : 21:50 - 19/11/21 |
Opi Nion

Prek Vukaj iu drejtua emisionit “Stop” për problemin e djalit të xhaxhait të tij, i cili është 70 vjeç dhe i sëmurë me ishemi cerebrale.

Por Mark Vukaj nuk mund të marrë pensionin. Fillimisht denoncuesit iu drejtuan ISSH-së, për të kërkuar vitet e punës, por nuk u gjetën.

Prek Vukaj: Unë iu drejtova emisionit “Stop” sepse djali i xhaxhait ka 5 vite dhe ky është viti i 6 që ka dalë në pension. Dhe akoma nuk i ka dalë pensioni. Ai quhet Mark Vukaj është 70 vjeç dha ka hyrë për 71. Po e jap unë intervistën se ky për arsye shëndetsore nuk mund të flasë, është me ishemi cerebrale.

Marku ka punuar në disa ndërmarrje shtetërore, por nga 21 vjet i njihen vetëm 14 vjet.

Gazetarja: Sa vite punë ka?

Prek Vukaj: Ka 21 vite.

Gazetarja: Në letra sa vite i njihen?

Prek Vukaj: Në letra i kanë dalë 14 vite e ca muaj. Instituti i Sigurimeve Shoqërore nuk i gjeti ato kur ne bëmë kërkesën.  Për arsye të sëmundjes i kishin ngatërruar vitet.

Gazetarja: Në institucion nuk e kishin të regjistruar?

Prek Vukaj: Në gjykatë i sollën pastaj.

Gazetarja: Vetëm për Mark Vukaj apo dhe punëtorë të tjerë?

Prek Vukaj: Kishte dhe të tjerë që kishin probleme, por në gjykatë i patën fituar ato moshatarët e tij.

Gazetarja: Vajtët te Instituti i Sigurimeve Shoqërore, çfarë ju thanë ato?

Prek Vukaj: Nuk dolën 15 vite punë që të përfitonte pensionin dhe ne iu drejtuam gjykatës pastaj. Gjykata na dha ne të drejtë për ato vite.

Gazetarja: Pastaj Instituti i Sigurimeve Shoqërore me siguri ka bërë rekurs apo jo?

Prek Vukaj: Bëri rekurs në Apel dhe që nga Maji i vitit 2018 nuk është caktuar asnjë datë për shqyrtimin e çështjes sonë.   Na takoi një gjyqtare, Marie Qiriazi, atë e kapi vetingu. Prandaj iu drejtova emisionit “Stop” për një apelim nga ana juaj që të shpejtohen procedurat në gjykatë, sepse ky ka kaluar 70 vite, s’dihet kur bëhet të marrë atë pension. Ju lutem Gjykatës së Apelit nëpërmjet “Stop-it” të fillojnë procedurën për klientin Mark Vukaj. Që ta marrë pensionin në këtë jetë dhe jo në botën tjetër.

Gazetarja: Për këtë problematikë iu drejtuam Gjykatës së Apelit Tiranë ku patëm dhe një komunikim me kancelaren e kësaj gjykate. Kam një rast të një të moshuari që është 70 vjeç, ka bërë një gjyq me ISSH dhe ka fituar shkallën e parë.

Kancelarja: Ka ardhur në Apel.

Gazetarja: Ka bërë rekurs në Apel që në 2018, tani nuk ka filluar asnjë procedurë gjyqësore.

Kancelarja: Ka bërë kërkesë përshpejtimi zotëria?

Gazetarja: Ka bërë.

Kancelarja: Po mirë, do ma çosh emrin me mesazh ta shoh, të lutem? Ja ma jep të lutem, por duhet të shoh domethënë gjyqtaren, dosjen, qoftë kërkesat e përshpejtimit dhe të them! Për shkak të ngarkesës çështjet tek ne, janë 19 mijë çështje gjyqësore, civile dhe penale. Tek ne çështjet sipas radhës së gjykimit janë nga 2017-ta e në vijim.

Gazetarja: Sa dosje keni?

Kancelarja: Afro rreth 19 mijë dosje. Domethënë një gjyqtar, se janë 6 gjyqtarë aktualisht kanë mbi 3 mijë çështje në shqyrtim.

Gazetarja: Gjithë çështjet kanë interesin e vet, por meqenëse zotëria është 70 vjeç, më kupton? Ta marrë pensionin në këtë jetë.

Kancelarja: Patjetër ma ço që ta verifikoj!

Gazetarja: Pas interesimin emisionin i investigativ “Stop”, tek Gjykata e Apelit Tiranë, kancelaria tha se zotëria ka bërë disa kërkesa përshpejtimi të çështjes së tij, por gjyqtarët në fjalë e kanë refuzuar.

Prek Vukaj: Kam bërë 4 kërkesa deri tani. Me datën 31.05.2018, 14.10.2019, 25.11.2019. Deri tani nuk kam marrë përgjigje pozitive. Prandaj iu drejtova “Stop-it” për të gjetur një zgjidhje se nuk di nga të shkoj më.

Gazetarja: Me këto 3 kërkesat e përshpejtimit, pse nuk i kanë kthyer një përgjigje?

Kancelarja: Do të thotë që nuk i është marrë parasysh kërkesa.

Gazetarja: Çfarë duhet të bëjmë ne sepse ky ka bërë dhe një kërkesë tjetër që e ka përgatitur për sot?

Kancelarja: Depozitoje tek informacioni.

Gazetarja: Do merret parasysh kjo tjetra? Apo varet nga gjyqtari?

Kancelarja: Tani varet nga gjyqtari relator.

Gazetarja: Dhe pas komunikimit me kancelaren e Gjykatës së Apelit Tiranë, kjo e fundit na tha sërish që Prek Vukaj, djali i xhaxhait të Mark Vukaj duhet të bëjë një tjetër kërkesë rishpejtimi për çështjen e tij në Gjykatën e Apelit.

Prek VukajE dorëzova. Presim përgjigje me ndihmën e “Stop-it” bëhet diçka. Burri huaj është në gjendje të rëndë shëndetësore dhe ekonomike./Tv Klan

Pas