Aktualitet

Sulmet kibernetike, Salianji: Nuk mund të kalojë pa përgjegjës, prokuroria të hetojë



Bëhu pjesë e Grupit Zyrtar të Opinion.al
>> KËTU <<
               Publikuar në : 12:35 - 22/09/22 |
Opi Nion

Deputeti i Partisë demokratike, Ervin Salianji gjatë seancës së sotme plenare ka folur për sulmet kibernetike të Iranit ndaj sistemeve të vendit tonë.

Gjatë fjalës së tij, Salianji tha se kjo është një ngjarje shumë e rëndë, dhe se nuk mund të kalojë pa një përgjegjës, ndërsa kërkoi që prokuroria të nisë hetimet.

Sipas tij, qeveria ua ka lehtësuar punën hakerave me nxjerrjen e të dhënave të qytetarëve nga patronazhistët.

“Përveç deteve, përveç humbjes së kontrollit në territor. Shqipëria ka humbur një betejë të fortë. Ende nuk ka informacion për agresionin kibernetik. Nuk ka informacion parlamenti, nuk ka informacion kom i sigurisë. Jo se nuk kemi informacion, se e kemi nga burime prestigjioze si FBI-ja. Në Shqipëri ka ndodhur një ngjarje shumë e rëndë.
Tha një koleg se ne sulmohemi dhe i kemi këto kosto se jemi partnerë me SHBA-të, ne kemi rënë se jemi të dobët, se ka korrupsion qeveria. Miliona euro nuk i ka përdorur për sigurinë kibernetike, por ose për lobim, ose për t’ia dhënë tre kompanive.
Prokuroria duhet të nisë hetimet e menjëhershme për të gjetur përgjegjësit. 14 muaj ka qëndruar në sistem hakeri. Hakerimi ka nisur në maj, një muaj pas zgjedhjeve, pasi qeveria ua ka lehtësuar me nxjerrjen e të dhënave të qytetarëve. Një thotë antivirusi nuk ka funksionuar siç duhet, hakerat e kanë çaktivizuar për muaj të tjerë dhe nuk i ka rënë në sy askujt.
Si ka mundësi? Këtu a ka ndonjë përgjegjës? Nuk janë përditësuar sistemet e operimit dhe aplikacionet sipas rekomandimit të kompanive, cila është arsye.
Prej muajsh, e thotë FBI-ja, janë publike. Ka ndonjë përgjegjësi qeveria? Merremi me dokumentet e hartave.
Çfarë reagimi ka bërë qeveria pas këtyre. Ka dalë Edi Rama jemi sulmuar, por e kemi zmbrapsur. Ka thënë që nuk kemi asnjë të dhënë sensitive që ka dalë apo që shqetëson shtetin. Kur s’kemi asnjë të dhënë sensitive, si reagon Prokuroria. Kryeministri dhe njëherë tjetër përgënjeshtrohet, le që është përgënjeshtruar nga dokumente të klasifikuara që kanë dalë në publik.
Kush është personi nëse është përgjegjësi personale. Ku kanë shkuar paratë, 195 mln euro. Si e zgjidh qeveria nëse dalin të dhënat e bashkëpunëtorëve të policisë së shtetit. Është një nga ngjarjet më të rënda që ka ndodhur dhe nuk mund të kalojë kështu. Keni 10 vite në pushtet, ne jemi votuar për të mbajtur përgjegjëse qeverinë dhe ata që paguhen me taksa, pa ndërhyrë, pa i dhënë urdhra PS nga kongresi. Ne e kemi inkurajuar dhe kemi shkuar duke i dhënë besim nëpërmjet kallëzimeve penale.
Jo duke kaluar çdo gjë që ndodh në këtë vend, duke i dhënë elementët e një të shkuare. Jo me retorikë politike”, tha Salianji./Opinion.al

Pas