Aktualitet

Sulmet kibernetike, Gjykata zbut masën e sigurisë për 5 punonjësit e DAP



Bëhu pjesë e Grupit Zyrtar të Opinion.al
>> KËTU <<
               Publikuar në : 13:31 - 30/11/22 |
Opi Nion

Prokuroria e Tiranës kërkoi këtë të mërkurë masën e sigurisë “arrest shtëpie” për 5 punonjës të IT-së në Departamentin e Administratës Publike lidhur me sulmet kibernetike ndaj Shqipërisë.

Ndërkohë për 5 personat Gjykata e Tiranës ka lehtësuar masën e sigurisë duke vendosur detyrim paraqitjeje.

Më herët në një njoftim për mediat Prokuroria e Tiranës njoftoi se kërkonte “Arrest shtëpie” për punonjësit: Rudina Llagami, Albi Gjeka, Altin Sallaku, Alketa Sulo dhe Igli Lubonja.

Këta persona sipas organit të akuzës, me mosveprimet e tyre kanë sjellë pasoja të rënda dhe kanë konsumuar elementet e veprës penale të “Shpërdorimit të detyrës”.

Sipas prokurorisë, stafi i IT duhet të kishte vepruar në përputhje me Rregulloren e Sigurisë së Informacionit dhe Rregulloren e Brendshme të AKSHI-it duke kërkuar informacion dhe duke u azhornuar me antiviruset më të fundit të sistemit.

Nëse kjo do të kishte ndodhur atëherë do ishte zbuluar në sistemet e tyre virusi i cili ka hyrë fillimisht tek administrata.al në mënyrë që të bëhej e mundur neutralizimi i tij pa prekur sistemin e AKSHI-t.

Kujtojmë se Irani sulmoi sistemet dhe faqet qeveritare në vendin tonë në korrik, ndërsa në shtator sistemin TIMS dhe ato të policisë. Sakaq, qeveria shqiptare ndërpreu marrëdhëniet diplomatike me Iranin dhe largoi ambasadën iraniane nga vendi ynë.

Pas