Bota

Studimi: Varianti britanik i COVID-19, 30 deri në 100% më vdekjeprurës


Bëhu pjesë e Grupit Zyrtar të Opinion.al
>> KËTU <<
               Publikuar në : 11:21 - 11/03/21 |
Opi Nion

Varianti i COVID-19 i zbuluar për herë të parë në Mbretërinë e Bashkuar është 30 deri në 100 për qind më vdekjeprurës sesa llojet e mëparshme, kanë thënë studiuesit.

Në një studim që krahasonte nivelet e vdekjeve midis njerëzve të infektuar me variantin e njohur si B.1.1.7 në Mbretërinë e Bashkuar me ata të infektuar me variante të tjera, shkencëtarët thanë se lloji i ri kishte vdekshmëri “dukshëm më të lartë”.

Botuar në British Medical Journal të mërkurën, studimi në Mbretërinë e Bashkuar zbuloi se “variant i Mbretërisë së Bashkuar” çoi në 227 vdekje në një mostër prej 54,906 pacientësh me COVID-19, krahasuar me 141 me të njëjtin numër pacientësh të infektuar me variante të tjera.

“Së bashku me aftësinë e tij për t’u përhapur me shpejtësi, kjo e bën B.1.1.7 një kërcënim që duhet të merret seriozisht,” tha Robert Challen, një studiues në Universitetin Exeter i cili bashkë-drejtoi kërkimin.

B.1.1.7 u zbulua për herë të parë në qarkun Anglez të Kent në Shtator 2020 dhe që atëherë është bërë varianti më dominues në Mbretërinë e Bashkuar. Që prej zbulimit të varianit të ri më shumë se 100 vende të tjera kanë raportuar raste që nga ajo kohë.

Varianti ka 23 mutacione në kodin e tij gjenetik, një numër relativisht i lartë i ndryshimeve, dhe disa prej tyre e kanë bërë atë shumë më infektues.

Shkencëtarët britanikë thonë se është rreth 40-70 për qind më e transmetueshme sesa koronavirusi i valës së parë.

Përhapja e saj e shpejtë në Mbretërinë e Bashkuar në fund të vitit të kaluar nxiti një rritje të rasteve dhe vdekjeve dhe, më 4 janar, detyroi një bllokim të ri kombëtar.

Deri më tani, Mbretëria e Bashkuar ka regjistruar më shumë se 4.3 milion raste të COVID-19. Ndërsa kanë humbur jetën gati 125,000 njerëz në të gjithë vendin , një nga shifrat më të larta në botë.

Në një përpjekje për të frenuar krizën, në Mbretërinë e Bashkuar më shumë se 22.5 milion njerëz, rreth një e treta e popullsisë së rritur kanë marrë të paktën një dozë të vaksinës deri më sot.

Kryeministri britanik Boris Johnson muajin e kaluar tha se ishte i bindur se vaksinat që përdoren aktualisht të prodhuar nga Oxford-AstraZeneca dhe Pfizer-BioNtech ishin efektive.

Komentet e tij sipas Al Jazzera erdhën mes frikës për shfaqjen e dy llojeve të tjerë shumë të infektuar të virusit – të ashtuquajturat variante braziliane dhe të Afrikës së Jugut./Opinion.al

Pas