Champions League është gara më prestigjioze evropiane për klube, e cila dhuron emocione të papara tifozëve të futbollit anembanë botës.
Kjo është dëshmuar edhe në takimin e mbrëmshëm mes Barcelonës dhe PSG-së, ku në sekondën e fundit katalanasit triumfuan 6-1, e cila u mjaftoi të kualifikohen për në 1/8 e finales së garës.
Kampioni spanjoll triumfoi edhe falë dy penalltive për të cilat po akuzohet se po ndihmohet nga gjyqtarët.
Por, shtrohet pyetja se cili klub evropian ka më tepër penallti të fituara në histori të Ligës së Kampionëve. Bazuar në statistikat e “UEFA Champions League”, Barca është ekipi me më së shumti penalti të fituara, përkatësisht ka 42 të tilla.
Barca si vendas ka më shumë penalti të fituara, gjegjësisht 23 ndërsa në terrenet kundërshtare ka arritur 19.
Pas tyre vjen Real Madridi, i cili ka katër më pak se rivali i përbetuar ndërsa në vendin e tretë pozicionohet Bayern Munich me 35 penallti.
Interesante është se në top pesëshe nuk gjendet asnjë klub italian ndërsa Liverpool ka vetëm dhjetë penallti të fituara. Vlen të theksohet se kampioni aktual, Real ka më shumë trofe të kësaj lige me 11 kupa.
