Aktualitet

SPAK shtyn afatin e hetimeve për atentatin ndaj prokurorit Arjan Ndoja


Bëhu pjesë e Grupit Zyrtar të Opinion.al
>> KËTU <<
               Publikuar në : 12:09 - 12/10/20 |
Al Do

Hetimet për atentatin ndaj Prokurorit të Durrësit, Arjan Ndoja janë shtyrë me tre muaj.

Në seancën e zhvilluar në Gjykatën e Posaçme, SPAK ka kërkuar shtyrje pasi ka nevojë për hetime të tjera më thelluara, kërkesë që është pranuar nga gjykata.

Më 1 nëntor të vitit 2019, automjeti ku ndodhej prokurori Ndoja ra pre e breshërive të kallashnikovit.

Për pasojë mbetën të plagosur prokurori Arjan Ndoja, Aleksandër Laho, si dhe shoferi i prokurorit Andi Maloku. Ky i fundit, ndërroi jetë pak ditë më pas në spitalin e traumës.

Autorët u larguan në drejtim të Shkafanës, ku braktisën automjetin tip Benz, të cilin nuk mundën ta digjnin dot. Pas këqyrjes nga ana e grupit hetimor, në të u gjendën dy maska, lëndë djegëse, dhe dy kallashnikovët e përdorur në atentat.

Aktualisht për këtë çështje është nën masën e sigurisë “arrest me burg”, Redjan Rraja, dhe personi i dytë i dyshur si bashkëpunëtor në krim, Arjol Halilaj./ Opinion.al

Pas