Politikë

PD: Në kulmin e krizës, Edi Rama paguan 2 milionë euro për inceneratorët


Bëhu pjesë e Grupit Zyrtar të Opinion.al
>> KËTU <<
               Publikuar në : 12:26 - 12/10/20 |
Al Do

Pagesat e qeverisë për koncesionarët e inceneratorëve janë konsideruar kriminale nga Partia Demokratike.

Në një deklaratë për shtyp, ish-deputetja Grida Duma u shpreh se kryeministri Rama gënjen kur thotë se shteti nuk ka para pasi ato shkojnë për inceneratorët.

Pak ditë më parë qeveria ka paguar 2 milionë euro për inceneratorin e Fierit tha Duma ndërkohë që sipas sa vendi po kalon ditë të vështira, ku secili ka nevojë për ndihmë financiare.

Vetëm pak ditë më parë Edi Rama, qeveria, ka paguar 2 (dy) milionë euro për inceneratorin e Fierit dhe të Tiranës. Deri sot janë paguar plot 75 (shtatëdhjetë e pesë) milion euro për të ashtuquajturët inceneratorë që as nuk ekzistojnë. Dy 2 milion euro, në këto ditë të vështira, ditë të zeza për shpenzimet e shqiptarëve, ku seicili ka nevojë për ndihmë financiare të drejtëpërdrejtë, ndërsa Edi Rama çirret e ulëret se s’ka para, para paska për çfarë,  për inceneratorët. Para ka, po para ka, por ato vidhen. Vidhen dhe më pas i nxjerrin jashtë Shqipërisë e i fshehin në parajsa fiskale.”, tha Duma.

Më tej, përfaqësuesja e PD tha se qeveria ka prioritet inceneratorët ndërkohë që sipas saj mjekët gënjehen për shpërblimin e pandemisë mësuesit punojnë me tre turne dhe pensionistët nuk kanë para të blejnë ilaçet.

Çfarë bën Edi Rama?!  Jep 2 milion euro për inceneratorët….Prioritet është të sigurohen maska per gjithe dimrin për  1(një)  milionë shqiptarë, dhe këtë duhet të bënte qeveria. Prioritet është të japësh  bonus prej 1000 euro 2 mijë biznese të vogla dhe  këtë mund të bënte me 2 milion euro.  Prioritet është ushqimi i 2500 familjeve  që kanë humbur vendin e punës, të cilët mund të marrin nga 16 mijë lekë (të reja) në muaj për 6-muajt e ardhshëm.Me 2 milion euro mund të jepej bonusi mujor prej 2 mijë lekësh (të reja) për më shumë se 20 mijë pensionistëKëto do të bëntë çdo qeveri që qeveris në të mirë të vendit të vet. Vetëm këtë nuk bën e smund të bëjë asnjëherë Edi Rama. Për ne, për Partinë Demokratike,  vendimi i  Edi Rames për të çuar paratë e taksave të rritura jo tek shqiptarët, por tek 5 njerëz, është kriminal. 25 Prilli do të shënojë fillimin  e fundit  të pandëshkueshmërisë, duke nisur në krye të radhës me pergjegjesin e parë të krizës, Edi Ramën.” përfundoi deklaratën e saj Grida Duma. /Opinion.al

Pas