Bota

Soros i shqetësuar për mbijetesën e BE pas koronavirusit


               Publikuar në : 12:18 - 12/05/20 |
Al Do

Miliarderi George Soros deklaroi se koronavirusi mund të rrezikojë të ardhmen e Bashkimit Europian.

89-vjeçari i shprehu shqetësimet e tij për mbijetesën e institucionit në një intervistë për “The Independent”, ku tha se është “veçanërisht i shqetësuar për mbijetesën e BE-së sepse është një bashkim jo i plotë”.

Ai gjithashtu pohoi se pandemia globale mund t’i jepte fund kapitalizmit ashtu siç e njohim ne.

Soros mori si shembull vendimin e gjobave të Gjermanisë mbi Bankën Qendrore Evropiane. Për atë kjo duhet marrë ‘shumë seriozisht’ dhe tregon se Europa është “më të prekshme” sesa SHBA jo vetëm sepse është një bashkim jo i plotë por edhe sepse bazohet në shtetin e së drejtës.

LEXO EDHE – Vendimi i gjykatës gjermane trondit BE, Berlini në dilemë

”Rrotat e drejtësisë lëvizin shumë ngadalë, ndërsa kërcënimet siç janë virusi Covid-19 lëvizin shumë shpejt. Kjo krijon një problem të veçantë për Bashkimin Evropian”- vazhdoi ai.

Gjykata Kushtetuese gjermane javën e kaluar i dha ECB tre muaj për të shpjeguar proporcionalitetin e blerjeve të bonove të saj ose do të rrezikojë të humbasë ‘Bundesbank’ të Gjermanisë, një nga 19 bankat qendrore kombëtare që janë anëtare të BQE, si pjesëmarrëse. Ajo gjithashtu i bëri thirrje parlamentit dhe qeverisë gjermane të sfidojnë BQE për këtë çështje. /Opinion.al

Pas