Politikë

Socialisti do të votojë për PD,Basha: Jemi një familje, kemi programe pune


Bëhu pjesë e Grupit Zyrtar të Opinion.al
>> KËTU <<
               Publikuar në : 18:20 - 16/04/21 |
Opi Nion

Kreu i Partisë Demokratike, Lulzim Basha ka zhvilluar takime elektorale në qarkun e Tiranës. Basha vizitoi një familjen Bardhi në Mënik. Kryefamiljari u shpreh se deri më tani kishte mbështetur PS, por në zgjedhjet parlamentare të 25 prillit do të votojë për PD.

 “As ndihmë për bujqësi, as kovid, as naftë, asgjë. Po edhe këto familjet e shkretë që ua shembi tërmeti, ju dhanë një letër i bënë vet dhe në fund fare i kanë proceduar për gjyq. Edhe kjo është bërë. Shpresojmë tani që me ju përpara e me këto djemtë e ri inshalla do të ndryshohet. Ndryshimi do të vijë me votë, kështu që vota ka shumë rëndësi. Ju e dini. Atje ku kam të gjithë unë u kam thënë, dashamir u kam thënë edhe pse kemi qenë komunistë, kemi qenë socialistë, harrojeni këtë punë se boll na torturoi. Ne do ta provojmё pas datёs 25”, kështu u shpreh kryefamiljari Islam Bardhi, nga fshati Mënik i Tiranës.

Kreu i demokratëve premtoi se PD nuk do i ndajë shqiptarët për shkak të bindjeve politike, duke thënë se PD ka plane pune konkrete që do të vihen në zbatim nëse triumfon në zgjedhjet e 25 prillit.

 “Dua të them se ne nuk kemi për t’i ndarë shqiptarët për të majtë dhe të djathtë. Ndaj kushdo ndryshimin, të votojë ndryshimin. Unë sot e ndjej kudo që ndryshimi është mes nesh dhe që shpresa është kthyer. Ndryshimi do të vijë. Për ne plani ynë i zhvillimit që ka në fokus ekonominë, ka punësimin, ka mirëqenin, natyrisht ka dhe Integrimin në Europian se do na ndihmojë ajo që të ndihmojmë edhe fermerin shqiptarë. Kjo i vjen në ndihmë gjithë shqiptarëve pa dallime politike. Prandaj kush do ndryshimin, kush e di që pas 8 vjet premtime të pa mbajtura mandati i tret është rreziku më i madh, për familjet e shqiptarëve, për fermerin shqiptarë, për të rinjtë shqiptarë e kanë ndarë mendjen dhe unë këtë e prek, e ndiej kudo dhe ndryshimi është mes nesh që shpresa është rikthyer. Sigurisht e mirëpres besimin tuaj por e konsideroj dhe përgjegjësi shumë të madhe dhe po të garantoj sot ty dhe çdo socialistë të na bashkohet dhe e di që unë nuk kam mundësi ti takoj të gjithë. Shumë po takoj por shumë socialistë që do të na bashkohen me votë për ndryshimin me datë 25 duke votuar numrin  9-të  dua të ju them që ne  do ta marrim këtë si një angazhim  serioz për të ju përgjigjur  të gjithë vëllezërve dhe motrave tona”, u shpreh kryedemokrati./ Opinion.al

Pas