Aktualitet

“S’mund të investojë vetëm bashkia në futboll”,Veliaj: Ku shkojnë financat e FSHF



Bëhu pjesë e Grupit Zyrtar të Opinion.al
>> KËTU <<
               Publikuar në : 17:31 - 29/06/22 |
Opi Nion

Kryetari i Bashkisë së Tiranës, Erion Veliaj është takuar me lojtarët e klubit të Tiranës, të cilët do të marrin 150 milionë lekë si shpërblim pasi u shpallën për të 26-ën herë Kampion të Shqipërisë në futboll.

Gjatë fjalës së tij, Veliaj tha se nuk mund të investojë vetëm bashkia për futbollin, por edhe Federata Shqiptare e Futbollit.  Sipas kryebashkiakut, duhet parë me kujdes së ku shkojnë financat e FSHF.

Duke u ndalur tek finalja e UEFA Conference League që u zhvillua në Tiranë, Veliaj tha se bashkia e Tiranës shpenzoi mbi gjysmë milionë dollarë për organizimin dhe mbarëvajtjen e aktivitetit, por sipas tij, po kaq para duhet të kishte shpenzuar dhe FSHF.

 “Kjo duhet zgjidhur njëherë e mirë, ndaj kur i futem betejave në sport, nuk i futem për një emër të përveçëm. Nuk është çështje emrash, por parimesh. Në qoftë se dikush nuk punon dot në të zezë në fasoneri a në piceri, atëherë as në futboll nuk duhet të punojë njeri në të zezë. Sigurimet shoqërore duhen paguar. Ndaj, duhet t’i çojmë deri në fund këto beteja. Është e mjerueshme sot për Federatën Shqiptare të Futbollit, që të mundemi në shtëpinë tonë nga ekipe modeste, ndaj kjo duhet parë, edhe ku shkojnë këto financa”,- tha Veliaj./Opinion.al

Pas