Rajoni

Skandali me Xhamajkën/Thaçi heq përgjegjësinë,Pacolli:Të shkarkohet Çitaku


               Publikuar në : 11:55 - 21/02/20 |
Al Do

Çështja e njohjes së pavarësisë së Kosovës nga Xhamajka mund të marrë përmasat e një skandali diplomatik.

Ditën e djeshme krerët e institucioneve më të larta në Kosovë, përfshi presidentin Thaçi dhe kryeministrin Kurti falënderuan publikisht Xhamajkën për njohjen e pavarësisë. Por një postim në Twitter i ministres së Jashtme të Xhamajkës, Kamina J Smith ku ajo mohon që vendi i saj ta ketë njohur Kosovën ka krijuar një situatë konfuze.

Deputetja e Lëvizjes Vetëvendosje, Fitore Pacolli ka kërkuar shkarkimin e ambasadores së Kosovës në SHBA, Vlora Çitaku pasi ka qenë kjo e fundit që ka përcjellë lajmin e njohjes.

Nëse vërtetë lajmi për njohje nga Xhamajka është i pavërtetë, Ambasadorja Çitaku duhet të shkarkohet menjëherë dhe t’i kërkohet llogari”, thuhet në publikimin e saj.

Ndërsa zyra e Presidentit Thaçi në një përgjigje për mediat kosovare thotë se lajmi i është komunikuar nga ambasadorja Çitaku, e cila të njëjtën gjë e ka bërë dhe me Ministrinë e Jashtme dhe Kryeministrinë.

Zyra e Presidentit të Republikës së Kosovës është njoftuar mbrëmë zyrtarisht nga Ambasadorja e Kosovës në Uashington, Vlora Çitaku, për njohjen nga shteti i Xhamajkës. Të njëjtin njoftim, ambasadorja e ka dërguar edhe në Zyrën e Kryeministrit dhe të Ministrit të Punëve të Jashtme. Presidenti këtë njoftim e ka bërë publik përmes profilit të tij në Twitter. Për informacione tjera, luteni t’i drejtoheni Ministrisë së Punëve të Jashtme”, thuhet në përgjigjen e Zyrës së Informimit të Presidencës.

Pritet ende një reagim zyrtar nga ministria e Jashtme e Kosovës lidhur me këtë ngjarje për të sqaruar plotësisht edhe statusin e Xhamajkës lidhur me njohjen e pavarësisë së Kosovës. /Opinion.al

Pas