Bota

Sindroma e re po alarmon Britaninë, preken fëmijët dhe ka lidhje me COVID


Bëhu pjesë e Grupit Zyrtar të Opinion.al
>> KËTU <<
               Publikuar në : 15:43 - 27/04/20 |
Al Do

Shërbimi Shëndetësor Kombëtar në Britani raporton se fëmijët janë duke u sëmurur me një kombinim të ri dhe potencialisht fatal të simptomave të lidhura me Covid-19, përfshi edhe dhimbje të stomakut dhe zemrës.

Fëmijët e prekur duket se janë goditur nga një formë e sindromës së shokut toksik. Gjendja tek disa është rënduar aq shumë sa duhej të trajtoheshin në terapi intensive dhe një rast është konfirmuar se është në respirator.

Nuk dihet se sa raste të tilla janë shfaqur, megjithëse mendohet të jetë një numër i vogël. Por drejtuesit e Shërbimit Shëndetësor Kombëtar (NHS) janë aq të shqetësuar sa u kanë shkruar mjekëve duke i paralajmëruar për ekzistencën e sindromës dhe u kërkuan atyre që urgjentisht të referojnë çdo fëmijë që duket se e shfaq atë në spital.

Në një letër drejtuar mjekëve të përgjithshëm në veri të Londrës, raportuar nga Gazeta e Shërbimit Shëndetësor, shefat e NHS shkruajnë:

Është raportuar se gjatë tre javëve të fundit ka pasur një rritje të dukshme të numrit të fëmijëve të të gjitha moshave që paraqesin një gjendje inflamatore e sistemit që kërkon kujdes intensiv në të gjithë Londrën dhe gjithashtu në rajone të tjera të Mbretërisë se Bashkuar.

Rastet kanë karakteristikë të përbashkët të mbivendosjes së sindromës së shokut toksik dhe sëmundjes atipike Kawasaki me parametra të gjakut në përputhje me atë që shkakton Covid-19 i rëndë tek fëmijët.

Ekziston një shqetësim në rritje se një sindrom inflamator i lidhur me Sars-CoV-2 po shfaqet tek fëmijët në Mbretërinë e Bashkuar, ose se mund të ketë një patogjen infektiv, por ende të pa identifikuar, i lidhur me këto raste.

Një paralajmërim është dërguar nga Shoqata e Kujdesit Inteligjent Pediatrik për të gjithë mjekët specialistë që punojnë në njësitë e terapisë intensive pediatrike në spitalet në Mbretërinë e Bashkuar.

Letra e NHS vazhdon: “Dhimbja e barkut dhe simptomat gastrointestinale kanë qenë një karakteristikë e zakonshme, siç është edhe inflamacioni kardiak. Kjo është vërejtur te fëmijët me infeksion të konfirmuar pozitiv me Sars-CoV-2 si dhe tek fëmijët që janë negativë. Provat serologjike të infeksionit të mundshëm të mëparshëm Sars-CoV-2 gjithashtu janë vërejtur.

Mjekëve u është thënë që “ju lutemi referojuni fëmijëve që paraqesin këto simptoma si çështje urgjente“.

Një mjek i kujdesit intensiv i tha “The Guardian” se “ka pasur një goditje krejtësisht të papritur tek fëmijët e sëmurë rëndë me një përgjigje të vonuar inflamatore që ne mendojmë se ka të bëjë me Covid-19. Është e pazakontë. Një numër kanë nevojë për kujdes intensiv dhe të paktën një ka kërkuar respirator

Nuk dihet nëse ndonjë fëmijë i goditur nga sindroma e re ka vdekur. /Opinon.al

Pas