Kronikë

Si u vra i riu në Kodër-Kamëz, kafja e fundit dhe dëshmia e mikeshës së tij


Bëhu pjesë e Grupit Zyrtar të Opinion.al
>> KËTU <<
               Publikuar në : 12:05 - 24/12/21 |
Opi Nion

Can Kariçi 30-vjeç, u ekzekutua mbrëmjen e djeshme brenda makinës së tij tip “Golf V” në Kodër Kamëz.

Vetëm pak orë pas ngjarjes policia gjeti makinën e djegur të autorëve dhe armën e krimit brenda saj.

Ndërkohë sipas abc news Can Kariçi mbrëmjen e djeshme para atentatit ka pirë kafe në një lokal në Kodër Kamëz, i shoqëruar nga dy shokë të tij dhe një vajzë.

Pasi është ngritur nga lokali është drejtuar për te vendi që kishte parkuar makinën, “Golf V” me targa gjermane, që ishte disa metra larg. Atentatorët e kishin nën shënjestër dhe sapo Kariçi u fut në makinë u qëllua për vdekje me 4 plumba.

Dy shokët e tij dhe mikesha që piu kafen e fundit u morën në pyetje nga grupi hetimor. “ABC” mëson se ata janë shprehur se nuk vërejtën asnjë shenjë tensioni apo të dyshimtë te 30-vjeçari.

Nuk kemi vënë re diçka të dyshimtë, apo të ketë shfaqur frikë apo tension” mësohet se kanë deklaruar tre miqtë e tij. Dëshmitarët pranë vendit të ngjarjes thanë se panë një makinë të dyshimtë që lëvizi me shpejtësi, por nuk arritën që ta dallonin. “Dëgjova një krismë, por nuk arrita ta shquaj qartë. Nuk mendova se ishte e shtënë arme” tha një dëshmitar.

Karriçi ka qenë një person me precedent penal dhe është arrestuar më parë për plagosje me dashje në Tiranë dhe për armëmbajtje pa leje.

Ai është arrestuar në shkurt të këtij viti në një objekt në afërsi të Milotit, ku nga kontrollet e policisë, në këtë ambient është gjetur dhe sekuestruar një pistoletë tip “Glock”, fishekë dhe targa të vjedhura./Opinion.al

Pas