Aktualitet

Si u lirua në Turqi, anëtari i bandës së Met Kananit që u kap sot në Vlorë


Bëhu pjesë e Grupit Zyrtar të Opinion.al
>> KËTU <<
               Publikuar në : 18:09 - 13/09/18 |
b.f

Besmir Lupi 32 vjeç u arrestua sot në Vlorë nga uniformat blu pas një urdhri të nxjerrë nga Gjykata e Krimeve të Rënda, e cila ka vendosur “arrest me burg” në mungesë. 32-vjeçari, pjesë e bandës së Met Kananit, u arrestua në Turqi në Mars 2018. Po kështu, në pranga ra edhe vet Met Kanani, kreu i grupit të trafikut ndërkombëtar të drogës.

Sipas informacioneve të tvklan.al, Besmir Lupi qëndroi 3 muaj në burg në Turqi dhe më pas u la i lirë për mungesë provash. Pas operacionit të zhvilluar në Mars në Turqi, në Maj 2018 në vendin tonë u arrestuan 18 persona si pjesë e bandës së Met Kananit, apo siç njihej ndryshe në Turqi “Met shqiptari”.

Pavarësisht se ishte arrestuar në shtetin turk, autoritetet shqiptare e shpallën në kërkim Besmir Lupin, i akuzuar për të njëjtat vepra penale edhe në vendin tonë. Më 11 Maj, Gjykata e Krimeve të Rënda dha masën e sigurisë “arrest me burg” në mungesë ndaj 32-vjeçarit Lupi për trafik droge dhe krijim të grupit të struktuar kriminal. Është e paqartë se si Besmir Lupi ka hyrë në vendin tonë dhe kur ka hyrë, pasi ndaj tij kishte një urdhër-arresti. /tvklan.al

 

Pas