TIRANE- Ish-kryeministri Sali Berisha dhe ish ministrat e qeverisë së tij në dy vitet e fundit kanë ndryshuar deklarimet e pasurisë së tyre. Ata kanë tentuar mënyra të ndryshme për të mbrojtur pasuritë në vlerë monetare.
Nga deklarimet rezulton se ish kryeministri Berisha vazhdon të jetojë me pagën e tij dhe të bashkëshortes, ndërsa janë fëmijët, Argita dhe Shkëlzeni me të ardhura disa herë më të larta se ata, veçse burimi kryesor i të ardhurave të tyre janë konsulencat dhe qiratë.
Por, gjatë 2014-ës, ata kanë tërhequr nga llogaritë e tyre një shumë të konsiderueshme monetare. Lulzim Basha vazhdon të ruajë pasuritë e tij të deklaruara prej disa vitesh, ndërsa vazhdon të mbetet besnik i aksioneve në bursën NASDAQ të Nju Jorkut. /Shqiptarja.com/
