Aktualitet

Shtatë të lënduar pas një rrahje në Prizren


Bëhu pjesë e Grupit Zyrtar të Opinion.al
>> KËTU <<
               Publikuar në : 11:57 - 29/11/15 |
b.f

Së paku shtatë persona kanë pësuar lëndime trupore në Prizren pasi rreth orës 03:10 minuta të mëngjesit të hershëm, në ambientet e restorantit ”Paradiso” në rrugën e “Kukësit” ka ndodhur një sherr në mes të dy grupeve ku të gjithë ishin nën ndikim të alkoolit.

Policia ka bërë të ditur se ende nuk dihet se si ka ardhur deri të rrahja por hetuesit policorë që kanë kryer hetime në vendin e ngjarjes thonë se të gjithë personat e përfshirë kanë pësuar lëndime trupore, kush më shumë e kush më pak, dikush është therr me thikë e dikujt i është thyer hunda dhe të gjithë kanë marrë ndihmë mjekësore në Urgjencën e Spitalit Rajonal në Prizren.

Sipas krim teknikëve që kanë kryer procedurat e hetimit të vendit të ngjarjes thuhet se në rrahje përpos grushteve janë përdorë shkopinj bejsbolli dhe një thikë, transmeton Klan Kosova.

Pas intervistave me të dyshuarit, në konsultim me prokurorin e shtetit, poseduesi i thikës është ndaluar nën masën e arrestit policor ndërsa gjashtë të tjerët janë liruar në procedurë të rregullt.

Shkresat e lëndës dhe provat materiale i kanë kaluar Prokurorisë për procedura të mëtejme.(klan kosova)

KOMENTO (0)

Shkruaj nje koment

    Pas