Kronikë

Shqiptarja vret me thikë pronarin, 68-vjeçari italian e ngacmonte seksualisht


Bëhu pjesë e Grupit Zyrtar të Opinion.al
>> KËTU <<
               Publikuar në : 16:13 - 25/11/21 |
Opi Nion

Ajo e goditi disa herë me thikë, si kundërpërgjigje e ngacmimeve të herë pas hershme.

Kjo ishte dinamika e vrasjes së ndodhur dje, të mërkurën më 24 nëntor, në via Andoardi në lagjen Sant’Andrea, në Itali, ku një shtetase shqiptare vrau me thikë pronarin.

Mediat italiane, shkruajnë se Mide Andreu, 51 vjeçe, me origjinë shqiptare, e martuar me fëmijë, prej tre vitesh pastronte shtëpinë e Antonio Amicucci-t, një herë në javë. Ditën e djeshme, nga sa u tha karabinierëve, 68-vjeçari tentoi ta prekte dhe kjo nuk ishte hera e parë.

Filloi një sherr dhe 51-vjeçarja me nxitim ka rrëmbyer një thikë në kuzhinë dhe ka goditur disa herë Amicuccin në gjoks. Më pas, e përlotur, ajo vrapoi te fqinji, duke i thënë se e kishte goditur me thikë dhe ka kërkuar ndihmë. Edhe pensionisti, ende i vetëdijshëm, bëri thirrje për ndihmë, shkruajnë mediat italiane.

Zjarrfikësit kanë ndërhyrë dhe janë futur në banesë së bashku me karabinierët. Ekipet e shpëtimit kanë tentuar të shpëtojnë burrin, por nuk kanë mundur të bëjë asgjë.

Amicucci jetonte në një apartament në katin e dytë me qenin e tij.

Ai kishte një sërë ankesash për ngacmime dhe ndjekje, madje edhe nga ish-gruaja dhe vajza e saj, duke përfunduar gjithashtu në burg për një periudhë.

Prej disa vitesh ai jetonte në shtëpinë në via Andoardi, nga e cila rrallë dilte për shkak të disa problemeve shëndetësore./Opinion.al

Pas