Kryesore

Shqipëria mposht Islandën në “Elbasan Arena”


               Publikuar në : 22:40 - 10/09/19 |
Opi Nion

Shqipëria ka mposhtur me rezultatin 4-2 Islandën në stadiumin “Elbasan Arena”, e cila luhet në kuadër të kualifikueseve të evropianit.

Skuadra e Edi Rejës e ka nisur me mbrojte të mirë dhe kundërsulme të shpejtë, strategji kjo e cila solli dhe golin e parë për kombëtaren.

Ka qenë Kastriot Dermaku i cili shënoi për Shqipërinë në minutën e 32-të të sfidës. Ky ishte dhe goli i vetëm i pjesës së parë. Por me fillimin e pjesë së dytë Islanda ka mundur të gjejë rrugën e golit, duke barazuar shifrat në minutën e 47-të me Sigurdson.

Por, Shqipëria i është kundërpërgjigjur shumë shpejt, ka qenë Elseid Hysaj ai që i dha përsëri avantazhin kuqëzinjve. Avantazhi i Shqipërisë nuk zgjati shumë, pasi në minutën e ‘58 Islanda arriti të shënojë golin e barazimit, duke balancuar rezultatin mes dy skuadrave. Shqipëria nuk është nënshtruar, në minutë e ’79 Odise Roshi arriti të tundë rrjetën e miqve, duke kaluar Shqipërinë në avantazh.

Por, nuk ka mjaftuar goli i Roshit, Cikalleshi mendoi për golin e radhës, duke shënuar në minutën e ’83 të takimit.

Me fitoren 4-2, Shqipëria renditet në vendin e katërt të grupit H me 9 pikë. Grupin e kryeson Turqia dhe Franca me nga 15 pikë, ndërsa Islanda mban vendin e tretë me 12 pikë./ Opinion.al E.Xh.

Pas