Aktualitet

“Shpif ndaj Bashës për të përfituar në zgjedhje”,PD çon në gjykatë Veliajn


Bëhu pjesë e Grupit Zyrtar të Opinion.al
>> KËTU <<
               Publikuar në : 12:30 - 03/10/20 |
el ida

  Partia Demokratike ka paditur në gjykatë kryebashkiakun e Tiranës Erion Veliaj, të cilin e akuzon për shpifje ndaj kryetarit të kësaj force politike Lulzim Basha, me qëllim dëmtimin e imazhit të tij.

Sipas padisë së argumentuar nga PD, Erion Veliaj, si drejtues i fushatës së PS për Tiranën, ka bërë 3 akuza konkrete, duke shpifur për kundërshtarin politik, me qëllim që t’i dëmtojë imazhin zotit Basha.

Sipas News 24, që citon burime pranë Gjykatës së Tiranës, padia është e ngritur mbi tre deklarata të Veliajt:

• Kryetari i PD u bë me 4 shtëpi gjatë tërmetit dhe pandemisë

• Kryetari i PD ka përfituar gjatë periudhës së fatkeqësisë

• Kryetari i PD ka ndërtuar kate pa leje.

“Këto të pavërteta janë bërë me qëllim dëmtimin e reputacionit dhe dëmtimin e imazhit në mënyrë të qëllimshme, duke qenë se Lulzim Basha është Kryetar i PD në opozitë dhe Erion Veliaj, si drejtues i fushatës zgjedhore të PS për qarkun e Tiranës, këto deklarime shpifëse i përdor për të përfituar kredo politike përballë qytetarëve, si për vete dhe për PS”- thuhet në padinë e ngritur ndaj Erion Veliajt./Opinion.al 

 

Pas