Shkodër, Topalli bojkton Palokën, nuk shkon në analizë

SHKODËR- Është zhvilluar analiza e zgjedhjeve të PD në Shkodër, ku kjo forcë politike doli me rezultate të kënaqshme. Por kjo ska mjaftuar për “pajtimin” me Topallin. Mbledhja është drejtuar nga numri 2 i PD, Edi Paloka, ndërsa ra në sy mungesa e një prej themeluesve dhe ekspontes kryesore të PD në Shkodër, Jozefina Topalli. Në përfundim të mbledhjes nënkryetari i PD­së Edi Paloka duke iu përgjigjur medias mbi mungesën e Jozefina Topallit tha se për këtë “Nuk mund të them gjë. Jozefina është ish­kryetarja e Parlamentit, deputete e nderuar e PD”. Ndërsa për faktin se ajo është edhe pjesë e kryesisë në PD­në e Shkodrës Paloka shton se “kjo është çështje e kryesisë së PD­së së Shkodrës dhe nuk është problem”.