Bota

Shkatërrohet super-karteli që furnizonte Evropën me kokainë, 49 të arrestuar



Bëhu pjesë e Grupit Zyrtar të Opinion.al
>> KËTU <<
               Publikuar në : 14:59 - 28/11/22 |
Opi Nion

Autoritetet e zbatimit të ligjit në gjashtë vende të ndryshme shkatërruan një “super kartel” të trafikantëve të drogës që kontrollonte rreth një të tretën e tregëtisë së kokainës në Evropë.

Mediat e huaja raportojnë se gjatë operacionit të quajtur “Drita e Shkretëtirës” janë arrestuar 49 persona nga bastisjet në të gjithë Evropën dhe Emiratet e Bashkuara Arabe.

Operacioni u krye gjatë periudhës 8 dhe 19 nëntor, ndërsa mbi 30 ton drogë u sekuestruan gjatë hetimeve të zhvilluara në Spanjë, Francë, Belgjikë, Holandë dhe Emiratet e Bashkuara Arabe me mbështetjen e Europol.

“Shkalla e importit të kokainës në Evropë nën kontrollin dhe komandën e të dyshuarve ishte masive,” tha Europol, duke shtuar se të dyshuarit komunikonin me kode për të organizuar dërgesat e drogës.

Në një video të postuar në mediat sociale nga Europol anëtarë të agjencive të ndryshme të zbatimit të ligjit, duke përfshirë Guardia Civil të Spanjës dhe DEA-n e SHBA-së, shfaqen duke kryer bastisje, duke sekuestruar prona, përfshirë bizhuteri dhe automjete luksoze.

Shkatërrimi i grupit të drogës vjen pasi autoritetet në të gjithë Evropën raportojnë sasi rekord të kokainës së kapur./Opinion.al

Pas