Sociale

Shkarkimi i Konit, Fuga:Cënohet autonomia,ligji prodhon ndërhyrje politike


               Publikuar në : 18:40 - 16/04/19 |
el ida

Akademiku Artan Fuga ka folur mbi shkarkimin e Rektorit të Universitetit të Tiranës, Mynyr Koni dhe polemikat që u krijuan. Sipas tij me këtë vendim është cenuar autonomia universitare si dhe ligji i arsimit të lartë i lë hapësirë politikës të ndërhyjë. Fuga shtoi se ligjet aktuale do të prodhojnë ndërhyrje politike.

I pyetur nga gazetarja Mirela Milori për opinionin e tij lidhur situatën e krijuar për shkarkimin e rektorit Koni, Fuga u shpreh se:

“Unë nuk dëshiroj të hyjë mes palëve sepse nuk dua të bëj arbitrazh dhe nuk jam në hollësi të gjëra. Por unë di të them se në kulturën time universitare nisem nga dy parime të mëdha. Parimi i parë është parimi i autonomisë dhe në parimin e autonomisë unë kërkoj dhe aspiroj që universitet shqiptare të kenë mekanizma të brendshëm. Kur na thuhet për ligjin e arsimit të lartë, thuhet se kemi autonomi. Në momentin kur unë jam brenda një agjencie autonome dhe nuk jam në dijeni, duket se ka një problem.

Nga politika vjen një zgjidhje ad-hoc dhe unë kam tendencën të them që sistemi brenda nuk funksionon dhe unë jam i cenuar në autonominë time edhe nëse qëllimi i ministres apo Ministrisë të jetë i mirë. Unë jam i cenuar në autonominë time. E dyta: Unë i përmbahem demokracisë universitare. Unë kam dhënë votën ose dhe mund të mos e kem dhënë por mund ta kenë dhënë kolegët e mi dhe në një moment të caktuar thuhet se vota juaj do zerohet do të bëhet nul sepse unë do të marr një vendim. Të dyja kanë të bëjnë me një mosfunksionim të sistemit. Unë i qëndroj vazhdimisht mendimin tim se ky kuadër ligjor që ne kemi do të prodhojë ndërhyrje politike. “/Opinion.al

Pas