Bota

Shërbimet ruse arrestojnë zëvendëskomandantin e Gardës Kombëtare


Bëhu pjesë e Grupit Zyrtar të Opinion.al
>> KËTU <<
               Publikuar në : 18:28 - 17/03/22 |
Opi Nion

Lufta në Ukrainë dhe humbjet e pësuara nga ushtria ruse kanë bërë që Presidenti Vladimir Putin të marrë masa.

Gazetari investigativ, Gristo Grozev, përmes një njoftimi në Twitter bën me dije se burime të pavarura njoftojnë se është arrestuar zëvendëskomandanti i Gardës Kombëtare, Roman Gavrilov.

Tri burime të pavarura raportojnë se gjenerali Roman Gavrilov, zëvendëskomandanti i Gardës Ruse (pjesë e ushtrisë së brendshme të Federatës Ruse, e cila pësoi viktima të rënda në Ukrainë), është arrestuar nga FSB. Gavrilov ka punuar edhe në të kaluarën në Gardën Presidenciale, domethënë në sigurinë personale të Putinit. Gavrilov kishte punuar më parë edhe në shërbimin e sigurisë së Putinit

Arsyet e arrestimit të Gavrilov janë të paqarta: sipas një burimi ai u arrestua nga departamenti i kundërzbulimit ushtarak të FSB-së për “rrjedhje të informacioneve ushtarake që çuan në humbje jete”, ndërsa dy të tjerë thonë se ishte “shpërdorim i kotë i karburantit , çka solli dhe ngecjen e tankeve ruse gjatë mësymjes së tyre në Ukrainë.

Ndërsa është e vështirë të merret me mend se çfarë saktësisht do të ndodhë në krye të forcave të sigurisë, një gjë është e qartë: Putin pa dyshim e njeh krizën që po kalon ky operacion. Është aq e thellë sa ndryshon gjeneralët gjatë një lufte – aspak një praktikë e mirë”, shkruan gazetari./Opinion.al

Pas