Bota

Deputetet ukrainase: Rusët po përdhunojnë dhe vrasin gra të moshuara


Bëhu pjesë e Grupit Zyrtar të Opinion.al
>> KËTU <<
               Publikuar në : 18:56 - 17/03/22 |
Opi Nion

Deputetët ukrainas kanë akuzuar forcat ruse për përdhunimin e grave mbi 60 vjeç.

Lesia Vasylenko, një deputete e partisë opozitare të Ukrainës, Holos, tha se shumë gra “të moshuara” kishin kryer vetëvrasje pasi ishin abuzuar seksualisht.

Duke folur për gazetarët në Dhomën e Komunave, zonja Vasylenko tha se Vladimir Putin “ka ndryshuar strategjinë e tij duke synuar gratë dhe fëmijët”.

“Shumica e grave mbi 60 vjeç u ekzekutuan pasi u përdhunuan. Problemi kryesor është se viktimat dhe familjet nuk kanë forcën apo kapacitetin për të kundërshtuar”, tha zonja Vasylenko.

Maria Mezentseva, deputete ukrainase për Partinë Shërbëtor të Popullit shtoi: “Disa prej zonjave që u përdhunuan u vranë gjithashtu”. “Këto janë faktet që ne po mbledhim për prova mbi krimet e luftës”

Ajo i bëri thirrje qeverisë që të sigurojë mbështetje humanitare, në mënyrë që viktimat të mund të marrin “ndihmën e duhur”.

Kjo do të mundësonte gjithashtu që krimet të “dokumentohen siç duhet”, në mënyrë që të kenë më shumë prova kundër Putinit, në mënyrë që ai të mund të gjykohet për krime lufte në gjykatën penale ndërkombëtare të Hagë.

Grupet vulnerabël të grave thuhet se janë vënë në shënjestër në rrethinat e Kievit, në Bucha dhe Irpin.

Zonja Vasylenko tha: “Është një tragjedi që askush nuk ka gjetur mënyra për të ndihmuar viktimat.

“Ata nuk kanë fuqi apo kapacitet për t’i kundërshtuar”.

Ajo foli përkrah tre deputeteve të tjera; Alona Shkrum, Maria Mezentseva dhe Olena Khomenk që u larguan nga Kievi për të takuar Boris Johnson së bashku me sekretaren e Brendshme Priti Patel, Ministrin e Ministrisë së Jashtme James Cleverly, Sekretarin e Komuniteteve Michael Gove ministrin e Mbrojtjes James Heappey.

Po ashtu deputetet, në Commons, i bënë jehonë komenteve të Presidentit të Ukrainës Volodymyr Zelensky se nuk kishte kuptim të jetosh nëse nuk mund të ndaloje humbjen e jetëve të pafajshme.

Duke iu drejtuar Kongresit Amerikan të mërkurën, Zelensky u tha politikanëve amerikanë: “Tani jam pothuajse 45 vjeç”.

“Sot mosha ime u ndal kur zemra e më shumë se 100 fëmijëve pushoi së rrahuri. Nuk shoh asnjë kuptim në jetë, që nuk mund t’i ndalojë vdekjet.”

Deputetet ukrainase në Commons shtuan: “Ne ndihemi njësoj.”

Duke përshkruar terrorin që forcat e Putinit kishin krijuar në mesin e më të rrezikuarve, Shkrum shtoi: “Tani për tani fëmijët janë qëlluar qëllimisht sepse Putini ka dhënë urdhër për të krijuar sa më shumë terror njerëzor që të jetë e mundur.”

“Rusët kanë krijuar këtë Hitler të ri dhe duhet të fillojnë ta ndalojnë gjithashtu. Ata duhet të fillojnë të dëgjojnë, duhet të fillojnë të bëjnë pyetje se ku do të shkojnë ushtarët.”/Opinion.al

Pas