Bota

Ukraina: Kryebashkiaku i Melitopol u shkëmbye me 9 ushtarë rusë


Bëhu pjesë e Grupit Zyrtar të Opinion.al
>> KËTU <<
               Publikuar në : 19:56 - 17/03/22 |
Opi Nion

Kryetari i qytetit të rrethuar ukrainas të Melitopolit, i cili dyshohet se u rrëmbye nga forcat ruse, u lirua në këmbim të nëntë ushtarëve rusë të kapur në luftë.

Lajmi është dhënë nga Dariya Zarivna, një zëdhënëse shtypi e Presidentit Zelenskiy, e cila u citua nga agjencia e lajmeve e Ukrainës Interfax të mërkurën: Ivan Fedorov u lirua nga robëria ruse … Për të, Rusia ka marrë në këmbim nëntë ushtarë të kapur të cilët kanë lindur në 2002 dhe 2003.

Ukraina kishte akuzuar Rusinë për rrëmbimin e Fedorov të premten e kaluar. Pamjet treguan kryebashkiakun e Melitopolit duke marshuar nëpër një shesh në qendër të qytetit, i rrethuar nga ushtarë rusë.

Zelenskiy konfirmoi se Fedorov ishte liruar në një fjalim të mërkurën mbrëma:

Më në fund ia dolëm ta lirojmë kryetarin e Melitopolit. Melitopoli ynë ukrainas, i cili nuk iu nënshtrua dhe nuk do t’i nënshtrohet pushtuesve. Ivan Fedorov është i lirë. Unë fola me të sot. Ushtria ruse e rrëmbeu atë më 11 mars, duke u përpjekur ta bindte të bashkëpunonte. Por ai rezistoi. Ai nuk u dorëzua. Ashtu siç durojmë të gjithë. Të gjithë ju. Ashtu siç nuk dorëzohemi të gjithë. Sepse ne jemi ukrainas. Dhe ne gjithmonë mbrojmë vlerat tonat.

 

Pas