Rajoni

Shami të kuqe në Prishtinë/ Mustafa për VV: Çfarë është Republika e Tretë?


Bëhu pjesë e Grupit Zyrtar të Opinion.al
>> KËTU <<
               Publikuar në : 12:09 - 10/02/21 |
Semiljana Azizi

Kreu i LDK-së, Isa Mustafa ka reaguar pak ditë para zgjedhjeve elektorale në Kosovë, në lidhje me vendosjen e shamive të kuqe nëpër Prishtinë nga përfaqësues të Vetëvendosjes.

Mustafa nëpërmjet një postimi në llogarinë e tij në “Facebook” shprehet se vota nuk mund të ndikohet, ajo është një shprehje e vullnetit politik, e bindjeve por edhe e perceptimit.

Gjithashtu Mustafa, i ka drejtuar edhe një pyetje Vetëvendosjes, se cili është mesazhi i shamive të kuqe dhe çfarë do të thotë  republika e tretë.

Vota është vendimmarrje e qytetarit. Për të marrë vendim, element themelor është informata. Nuk jam i sigurt se qytetari është i informuar se çfarë paraqesin shallat e kuqe të lidhura në drunjtë e Prishtinës, dhe jo vetëm aty, për të ardhmen e vendit. Çfarë është simbolika dhe mesazhi i marsheve në sheshet e qytetit tonë? Çfarë është Republika e Tretë? Një shtet e bëmë me SHBA-të dhe me partnerët tanë evropian, të zotuar për demokracinë perëndimore.

Ndërkaq, VV duhet ta qartësojë se kush janë partnerët e saj për Republikën e Tretë. Ndryshe, në qoftë se votohet vetëm me emocione, rrezikojmë të vejmë shallat e kuqe rreth qafe, të marrëshojmë si në Revolucionin Kulturor Kinez e të mbesim pa asnjë republikë!   Vota është përgjegjësi ndaj shtetit tonë”, shkruan Mustafa në rrjetet sociale.

Kujtojmë se 5 ditë më parë të rinjtë e Vetëvendosjes, në bashkëpunim me një grup vullnetarësh kanë lidhur shami të kuqe në të Prishtinën./Opinion.al

Pas