Aktualitet

S’e kaloi Vettingun, Strasburgu refuzon kërkesën e ish-gjyqtares


Bëhu pjesë e Grupit Zyrtar të Opinion.al
>> KËTU <<
               Publikuar në : 15:40 - 02/06/21 |
Opi Nion

Gjykata e Strasburgut, ka refuzuar këtë të mërkurë kërkesën e ish-gjyqtares Altina Xhoxhaj që rasti i saj të ri-shqyrtohet nga Dhoma e Madhe prej 17 gjyqtarësh.

Në këto kushte, aktgjykimi i datës 9 shkurt 2021 mbetet vendim përfundimtar në këtë çështje.

Gjykata e Strazburgut u shpreh për herë të parë për procesin e vetting-ut në Shqipëri për rastin e ish-anëtares së Gjykatës Kushtetuese Altina Xhoxhja.

Gjykata e Strazburgut rrezoi pretendimet e ish-gjyqtares  duke thënë se nuk ka asnjë shkelje të të drejtave të njeriut në në procesin e vetting-ut. Procedurat për shkarkim ishin te rregullta dhe shkarkimi i Xhoxhaj ishte propocional.

Altina Xhoxhaj, ish-gjykatëse e Gjykatës Kushtetuese u largua nga detyra në 3 maj 2018. Xhoxhaj ankimoi në Strasburg shkarkimin e saj me pretendimin si të pabazuar në ligj e prova. Sipas KPK, Xhoxhaj nuk justifikoi dot pasurinë e saj. KPA gjithashtu mbështeti vendimin e organit të parë duke e larguar atë nga drejtësia./Opinion.al

Pas