Partia Demokratike ka akuzuar sot ministrin e Brendshëm, Sandër Lleshaj si të lidhur me krimin. Deputeti Ervin Salianji, i është përgjigjur deklaratës së ministrit Lleshaj, që tha sot, se policia po sulmohet nga politika, përveçse nga krimi.
Në një reagim në emër të grupit të PD, Salianji tha se Lleshaj ka zgjedhur që të bëhet “lodër” e Ramës dhe të ketë partner krimin.
“Shqetësimi kryesor i Sandër Lleshajt është dhuna dhe terrorri psikologjik ndaj studentëve protestues. Është ministri që do të mbahet mend si urdhëruesi i pushtimit policor të Univeristeteve, duke ia kaluar edhe Hekuran Isait të diktaturës!“-thotë Salianji.
Deklarata e plotë e Salianjit:
Lleshaj, Zhvejku i Ramës jo ushtari i Republikës! Kur je pupaci i shefit, zgjedh pa problem të kesh partner krimin, jo studentët, zgjedh interesin personal për pushtet tê KM dhe jo Kushtetutën dhe ligjin!
Në Durrês bandat plaçkisin shtëpinë e biznesmenit dhe i marrin peng edhe fëmijën Në Fushë-Krujë, pak km larg aeroportit të vetëm, maskat dalin duke terrorrizuar dhe plaçkitur në mes të rrugës Dy gra aksidentohen me vdekje, pêr shkak të mungesës së sinjalistikës, Qindra familje të tjera anembanê Shqipërisë jetojnë nën terrorrin dhe vjedhjet e bandave Grupet më të fuqishme kriminale vazhdojnê të qetë aktivitetin 3 të vrarë në Elbasan në atentat mafioz Ai që hesht është pupaci i Edi Ramës në Ministrinë e Brendshme. Shqetësimi kryesor i Sandër Lleshajt është dhuna dhe terrorri psikologjik ndaj studentëve protestues.
Është ministri që do të mbahet mend si urdhëruesi i pushtimit policor të Univeristeteve, duke ia kaluar edhe Hekuran Isait të diktaturës! Pupaci ushtar i Edi Ramës është ministri, i cili nuk ka folur asnjëhere të vetme per revanshin e krimit ndaj shtetit, per korrupsionin gjigand, per rendin dhe sigurinë!
Të trajtosh studentêt si kriminelë dhe kriminelët si partnerë është zgjedhja e anës së gabuar. Në demokraci, politikani ka frikë ligjin dhe qytetarët, ministri i brendshëm i republikës duhet të kujdeset për rend dhe siguri, duke nisur nga sigurimi i protestës së qetë të studentëve. Lleshaj ka zgjedhur të jetë Zhvejku i Ramês dhe jo ushtari i Republikës!
