Bota

Rusia marrëveshje me Indinë për 100 milionë doza të vaksinës “Sputnik V”


Bëhu pjesë e Grupit Zyrtar të Opinion.al
>> KËTU <<
               Publikuar në : 17:03 - 16/09/20 |
Al Do

Fondi i pasurisë sovrane të Rusisë ka rënë dakord për një marrëveshje për të shitur 100 milionë doza të vaksinës së saj për Covid-19, Sputnik-V, një kompanie të madhe farmaceutike në Indi, sipas një burimi të Reuters.

Provat klinike të vaksinës ruse në Indi pritet të ndjekin dhe të mbahen së bashku me këtë firmë, tha burimi.

Të dy provat dhe marrëveshja e furnizimit varen nga miratimi i rregullatorit të brendshëm.

Në 11 gusht, Rusia u bë vendi i parë që dha miratimin rregullator të një vaksine Covid-19 pas më pak se dy muajve të testimit njerëzor.

Vaksina, e quajtur “Sputnik V” si homazh i satelitit të parë në botë të nisur nga Bashkimi Sovjetik, është përshëndetur si e sigurt dhe efektive nga autoritetet ruse. Por ekspertët perëndimorë kanë qenë skeptikë në lidhje me miratimin e Rusisë për Sputnik V, duke paralajmëruar kundër përdorimit të saj derisa të jenë marrë të gjitha hapat e testimit të aprovuara ndërkombëtarisht./ Opinion.al

Pas