Aktualitet

Rudina Hajdari:Figura e Azemit, frymëzimi më i madh i besimit në demokraci


               Publikuar në : 11:58 - 12/09/19 |
Al Do

Deputetja Rudina Hajdari ka përkujtuar sot përvjetorin e vdekjes së babait të saj Azem Hajdari. Në një postim në Facebook, ajo shkruan se 21 vite pas vdekjes së të atit Shqipëria mbetet ende e mbërthyer nga krizat.

Pavarësisht kontekstit, deputetja Hajdari shkruan se figura e Azem Hajdarit duhet të shërbejë si shembyll frymëzimi për të besuar në demokraci dhe te fuqia e të rinjve për të vendosur rrugën e duhur për Shqipërinë.

“Sot, pas 21 vitesh, krizat e ndryshme kanë mbërthyer e nuk janë të zgjidhura për shoqërinë dhe shtetin tonë, mbi faktin se sa të lirë e sa të sigurt jemi nga shteti ligjor.

Fatkeqësisht, shumë pak avantazhe dhe të drejta kanë arritur shqiptarët nga ky tranzicion i vështirë dhe nga paqëndrueshmëria politike.

Edhe pse konteksti historik është i ndryshëm, unë mendoj se figura e Azem Hajdarit, liderit të lëvizjes studentore dhe heroit të fjalës së lirë, mbetet frymëzimi më i madh i besimit tek sistemi i demokracisë.

Të rinjtë, por jo vetëm, akoma e kanë në dorë rrugën e drejtë dhe të duhur për të vendosur një shoqëri që nuk i cënohen të drejtat dhe mbrohen në mënyrë të barabartë përpara shtetit të së drejtës dhe i garantohen të gjitha mundësitë që gëzojnë vendet e familjes Evropiane” shkruan Rudina Hajdari. /Opinion.al

Pas