Aktualitet

Gjyqi ndaj Suel Çelës, gjykata CD-të që kishte ‘humbur’ prokuroria


               Publikuar në : 12:12 - 12/09/19 |
el ida

DVD-të me pamjet e përplasjes së makinës së Policisë tek tregu Agro Ushqimor në Elbasan në shtator 2017, kanë humbur gjatë transferimit disa herë rradhazi të dosjes.

Për 4 seanca, Gjykata për Krime të Rënda kërkoi DVD-të, të cilat nuk gjendeshin në fashikullin e gjykimit, për dosjen me të pandehur Marjus (Suel) Lulaj (Celën) , Enea Bekteshin dhe Kelmend Xhaferrin.

Këtë të enjte, Gjykata tha se kishte arritur të gjente 11 DVD dhe një disk që nuk ishin në dosje, duke i rekuperuar në Institutin e Policisë Shkencore, ndërsa pamjet do të shfaqen në seancën e radhës.

Gjykata kishte dërguar shkresë edhe në Prokurorinë e Elbasanit, e cila kishte bërë të ditur se këto DVD nuk ndodheshin atje, por janë nisur në Prokurorinë për Krime të Rënda, ndërsa prokuror Behar Dibra tha se nuk mund të shpjegonte këtë situatë, duke shtuar se dosja ka lëvizur tri herë, në Elbasan, Prokurorinë e Përgjithshme e më pas te Krimet.

Tre të pandehurit e dosjes po gjykohen për akuzën e “vrasjes ndaj punonjësit të policisë”, mbetur në tentativë./Opinion.al

Pas