Aktualitet

Raporti sekret, Presidenca njofton se do ja dërgojë Kuvendit


               Publikuar në : 12:08 - 12/09/19 |
Al Do

Zëdhënësi i Presidentit të Republikës, Tedi Blushi ka njoftuar sot se dokumenti sekret ku përshkruhet informacioni se gjatë protestës së 7 qershorit rrezikohej të digjej Kuvendi i Shqipërisë, do ti dërgohet Kuvendit.

“Ditën e djeshme, Institucioni i Presidentit i ka nisur një kërkesë institucionit të lartë të sigurisë kombëtare, që mbështetur mbi ligj, t’i verë në dispozion edhe Kuvendit, raportin që i ka dorëzuar Presidentit në datën 7 qershor 2019”

Ai ka shtuar se ekipi i Këshillit të Sigurisë së Presidentit Meta “është gati të bashkëpunojë në çdo kohë dhe me çdo institucion shtetëror për këtë çështje, të ndajë dhe të vendosë në dispozicion të gjitha informacionet, faktet apo edhe provat shkresore, filmike, audio dhe fotografike, që disponon”.

Në njoftimin e presidencës shkruhet gjithashtu se përpjekja për të paraqitur raportin e lajmëruar nga Presidenti Meta si të rremë është bërë nga “portale dhe gazeta të shtetit të propagandës dhe ppp-ve”.

“Uroj që ky sqarim publik të lexohet drejt dhe të mos shtrembërohet sërish në “përkthimin” shqip-shqip që bëjnë në të tilla raste portalet dhe gazetat e shtetit të propagandës dhe ppp-ve” shkruan në fund të njoftimit të presidencës Tedi Blushi. /Opinion.al

Pas