Ish-deputetja e Partisë Demokratike, Jorida Tabaku, ka akuzuar kreun e qeverisë, Edi Rama që edhe në fatkeqësi, si ajo e tërmetit, mendon si të japë tendera e koncesione per miqtë e tij.
Sipas Tabakut, projekti i rindërtimit në Thumanë u shit me shumë propagandë sikur do të behej me tender ndërkombëtar ndërkohë që projekti ishte kryer si gjithmonë nga miqtë e qeverisë. Konkretisht nga arkitekti, Andrea Faoro pronari i UniLab, mik i vjetër i Ramës dhe ideuesit te planit shkatërrues dhe betonues të Tiranës, Stefano Boerit.
“Dhe në fatkeqësi mendojnë si te japin tendera e koncesione per miqtë e tyre!
Dje ne Thumanë u prezantua projekti i rindertimit i cili më shumë propagandë u shit sikur do të behej me tender ndërkombëtar ndërkohë që projekti ishte kryer si gjithmonë nga miqtë e qeverisë.
Arkitekti Andrea Faoro pronari i UniLab, mikut të vjetër të Ramës dhe ideuesit te planit shkatërrues dhe betonues tëTiranës, Stefano Boerit, kish bërë projektin pa asnjë procedurë.
Të mos keni asnjë dyshim që dhe zbatimi do të shkojë tek i njëjti taraf, ato qe kane marre tendera e koncesione.
Komisioni Europian dhe vendet qe morën pjesë në konferencën e donatorëve u treguan gjeneroze duke dhënë pothuasje 250 mln euro donacion. Ato kishin por një dhe vetëm një parrullë “korrupsioni nuk do të tolerohet”.
Shumë e veshtirë me Ramën dhe shokë të zbatohet kjo parrullë. Parrulla e tyre është “Korrupsioni edhe më i madh në fatkeqësi!”, shkruan Tabaku./Opinion.al
