Sport

Rey Manaj: Vij të meritoj kombëtaren, jo thjesht si interist


Bëhu pjesë e Grupit Zyrtar të Opinion.al
>> KËTU <<
               Publikuar në : 17:20 - 10/11/15 |
b.f

Pritet të debutojnë në ndeshjen me Kosovën dhe që tani sytë janë te ta. Rey Manaj dhe Federik Veseli kanë qenë me këmbë në tokë në daljen e tyre të parë në konferencë shtypi, si lojtarë të Kombëtares.

Rey Manaj tha se ndihet i lumtur për ftesën. “Kisha folur me De Biazin kur erdhi në Milano dhe më takoi dhe ndjehem shumë i kënaqur. Tani e kam vetë në dorë fatin tim. Kur vjen në Kombëtare nuk do të thotë asgjë, nëse unë vij nga Interi dhe dikush tjetër nga një ligë më e ulët. Në bazë të stërvitjes, si është moduli, kush është në gjendje më të mirë, ai që e meriton do të luajë”, u shpreh sulmuesi interist.

Ndërsa mbrojtësi më i ri i Kombëtares Federic Veseli tha se është kënaqësi që ndodhet me Shqipërinë. “Unë erdha për Kombëtaren, Kosova nuk është ende e pranuar nga FIFA. Kur të thërret Shqipëria për mua është një komb. Kam pasur kontakte prej 2 vitesh me De Biazin, tani të shohim. Trajneri vendos kush luan dhe kush jo. Unë jam gjithmonë gati, e nëse më aktivizon si titullar apo edhe nëse nuk më merr me vete, për mua njësoj është.

Unë jam këtu për të punuar dhe t’i tregoj trajnerit se e kam vendin këtu. Fillimisht jam i lumtur që Shqipëria është kualifikuar në Francë, nëse shkoj edhe unë në Euro 2016 aq më mirë. Duhet të tregoj vlerat e mia në klub, por edhe në stërvitjet me Kombëtaren”, u shpreh mbrojtësi  i Luganos.

KOMENTO (0)

Shkruaj nje koment

    Pas