Aktualitet

Reshje të dendura shiu, përmbyten bizneset në Velipojë


Bëhu pjesë e Grupit Zyrtar të Opinion.al
>> KËTU <<
               Publikuar në : 18:01 - 30/12/20 |
Semiljana Azizi

Reshjet e shumta të shiut edhe moti i keq kanë sjellë përmbytje në Velipojë.

Ndërsa mësohet se uji ka vërshuar në brendësi tëe bizneseve, hoteleve apo edhe banesave bëhet me dije se tashmë janë rreth 10 objekete të cilat ndodhen të përmbytura.

Nga njoftimi zyrtar i bërë nga Bashkia Shkodër në llogarinë e saj në “Facebook”, bëhet me dije se vazhdon rritja e nivelit të lumenjve.

Veç, përmbytjes shumë njësi administrative kanë mbetur edhe pa energji elektrike. Sipas njoftimit në të gjithë territori po kryehen inspektime dhe po bëhet ç’është e mundur për normalizimin e situatës.

Pas përmbytjes, në hidrocentralin e Vaut të Dejës po shkarkohet uji, për të normalizuar situatën. Kujtojmë se edhe para 3 vitesh Shkodra është përmbytur për shkak të rritjes së nivelit të ujit.

Informacion nga Bashkia Shkodër

Informacion në lidhje me situatën e krijuar në territorin e  Bashkisë Shkodër nga reshjet e shiut dhe erërat e forta gjatë natës, datë 29.12.2020.

Reshjet e shiut dhe era kanë vazhduar edhe gjatë natës që kaloi.

Ka ndërpreje të energjisë për shkak të difekteve pothuaj në të gjithë territorin në zona të veçanta e herë pas here dhe në krejt njësitë admnistrative.

Rruga nga Qafa  e Thores është e pakalueshme. Është rritur vështirësia e kalimit edhe në segmentin e Malit të Shoshit-Breg Lumi.

Vazhdon rritja e nivelit të lumenjve (Dajç 4.90;). Ka prezencë uji në pjesën e ulët e territorit, kryesisht në Gaduç (12 ha) NJA Velipojë dhe ndonjë pjesë tjetër.

Ka erozion të vazhdueshëm në  Berdicë në NJA Berdicë, Bardhaj në NJA Rrethina,  te Mali i Vukatanit në NJA Gur i Zi.

NJA Dajç nuk ka patur energji pothuaj gjatë gjithë kohës përjashtuar intervale shumë të shkurtra kohe. Po ashtu edhe Mali Kolaj në NJA Velipojë.

Në pjesën e territorit urban ka patur disa shqetësime me pemët e lëvizura nga era e fortë.

Grupi i punës pranë Bashkisë Shkodër ka kryer inspektimin në territor gjatë ditës së djeshme dhe po përgatit informacione të detajuara për institucionet sipas fushës së përgjegjësisë.

Ndërkohë inspektimi dhe ndërhyrjet do të vazhdojnë edhe gjatë kësaj dite për monitorimin e situatës si dhe normalizimin e saj aq sa është e mundur./Opinion.al

 

Pas