Policia e Shtetit ka njoftuar se gjatë mbrëmjes se të shtunës ka penalizuar me gjova dhe heqje të patentës disa drejtues mjetesh për shkelje të rregullave të qarkullimit rrugor.
Ndërkohë, 2 qytetarë janë arrestuar për shkak të drejtimit të mjetit në gjendje të dehur. Policia njofton se njëri prej tyre, 42-vjeçari nga Tirana me inicialet R.K, ka refuzuar kryerjen e testit.
“Janë arrestuar në kushtet e flagrancës dy drejtues mjetesh të cilët janë verifikuar se drejtonin mjetin në gjendje të dehur, ku njëri prej tyre shtetasi R. K., 42 vjeç nga Tirana, fillimisht ka kundërshtuar punonjësit e policisë duke refuzuar testin e alkoolit”, njofton policia.
Shpejtësi e lartë e qarkullimit të mjeteve është vërejtur në rrugën interurbane kryesore Tiranë-Elbasan, në aksin Sauk-Teg, ku janë konstatuat automjete me shpejtësi 148 km/h deri në 166 km/h në kohën kur fluksi i lëvizjes së automjeteve në rrugë ishte ende i lartë
“Nga dy radarët në përdorim nga Policia Rrugore e kryeqytetit gjatë 5 orëve monitorim (20:00 – 01:00) janë kostatuar dhe ndëshkuar me pezullim të lejes së drjtimit, 21 drejtues mjetesh që qarkullonin me shpejtësi gati dyfish mbi kufirin e lejuar duke e përdorur dhe konsideruar rrugën si pistë për të “fluturuar” dhe jo për të qarkulluar me automjet. Gjithashtu nga verifikimi rezultoi se krahas shpejtësisë ekstreme për kushtet e rrugës, 4 prej tyre ishin debitor me mbi 5 masa administrative të pashlyera, si dhe një tjetër automjet rezultoi i pasiguruar dhe certifikuar teknikisht, mjete ndaj të cilave janë aplikuar sanksionet administrative plotesuese të ndalimit administrativ. Gjithashtu, janë vendosur 13 masa administrative për mos rregullim të shpejtësisë në qendrat e banuara, si dhe dy masa të tjera për gara shpejtësie. Kontrolli ka vijuar prej orës 20:00 dhe është në vijim edhe me alkool testues, ku gjatë këtyre orëve janë konstatuar dhe ndëshkuar me pezullim të lejes së drejtimit 9 drejtues mjetesh që drejtonin mjetin nën ndikimin e alkoolit në masë që varionte nga 0.34 mg/l deri ne 0.49 mg/l”, njofton policia./Opinion.al
https://www.facebook.com/policiashtetitshqiptar/videos/2850566845229668/
