Bota

Tuiteri i Trump për Kosovën shkakton reagim në rrjetet sociale


Bëhu pjesë e Grupit Zyrtar të Opinion.al
>> KËTU <<
               Publikuar në : 09:10 - 05/09/20 |
Opi Nion

Pas firmosjes së marrëveshjes mes Kosovës dhe Serbisë në Shtëpinë e Bardhë, presidenti amerikan Donald Trump ka reaguar edhe përmes një tuiteri.

Ai është fokusuar këtë radhë në atë pikë të marrëveshjes, mbi të cilën shteti I Izraelit do të njohë Kosovën, duke vendosur për herë të parë raporte diplomatike mes dy vendeve.

“Një tjetër ditë e madhe për paqen me Lindjen e Mesme – Kosova me një popullsi me shumicë myslimane dhe Izraeli kanë rënë dakord të normalizojnë raportet dhe të vendosin marrëdhënie diplomatike. Ju lumtë! Vende të tjera Islamike dhe arabe do ta ndjekin”, ka shkruar presidenti.

Por në rrjetet sociale, ky publikim ka shkaktuar reagime të dukshme tek qytetarët e Shqipërisë dhe Kosovës. Një pjesë e tyre kanë vënë në konsideratë faktin që Trump e cilëson Kosovën vend mysliman, ndërkohë që të tjerë kanë interpretuar lidhjen që presidenti amerikan ka bërë mes Kosovës dhe Lindjes së Mesme./Opinion.al

Pas