Politikë

Raporti i Dik Martit/ Balla kërkon qëndrim: Basha të ndahet nga Berisha


Bëhu pjesë e Grupit Zyrtar të Opinion.al
>> KËTU <<
               Publikuar në : 13:44 - 12/11/20 |
Opi Nion

Kreu i grupit parlamentar të PS, Taulant Balla, në një deklaratë për mediat ditën e sotme ka folur në lidhje me ngritjen e Komisionit të Posaçëm Parlamentar për të hetuar pretendimet e raportit të Dik Martit për ekzistencën në veri të Shqipërisë të bazave të UÇK që kanë kryer krime lufte.

Gjatë fjalës së tij, Balla theksoi se do të gjejnë instrumentin e duhur që këto çështje të qartësohen dhe askush të mos bëjë raporte për krime të ndodhura në Shqipëri.

“Në atë raport referohen edhe ngjarje apo vepra penale të ndodhura në Shqipëri. Pas atij momenti në Shqipëri janë bërë verifikime, qoftë nga EULEX apo institucione të tjera, por edhe nga ato hetimore shqiptare, të gjitha këto është dashur që të përfshihen në një raport, sepse prova nuk ka e nuk ka, se në Shqipëri, Kukës, Has apo Mat të ketë pasur baza të UÇK që kanë kryer krime sikurse pretendohet kundër njerëzimit apo lufte.

Shqipëria është një shtet ligjor, që ka për detyrim t’i verifikojë dhe më pas i takon KE që të rivlerësoj vlerësimet për Shqipërinë. Do të gjejmë instrumentin e duhur që këto çështje të qartësohen dhe askush të mos bëjë raporte për krime që gjoja kanë ndodhur në Shqipëri e që ne të gjithë biem dakord që janë hipoteza për politikë. Shqipëria ka qenë vend pritës i më shumë se 1 milion shqiptarëve të shpërngulur dhe në Shqipëri nuk kanë ndodhur krime lufte sikundër raportohet në atë raport”,- tha Balla.  

Gjithashtu në deklaratën e Ballës nuk munguan akuzat ndaj Bashës dhe Berishës, të cilët sipas tij duhet te kërkojnë falje që kanë votuar atë raport.

Basha dhe Berisha duhet të kërkojnë falje që kanë votuar atë raport, PD, duhet të mbajë një qëndrim dhe mendoj që Basha për këtë çështje duhet të ndahet nga Berisha nëse ka këllqe ta bëjë këtë”, tha Balla.

Në përfundim të deklaratës Balla nënvizoi sërish se Lulzim Basha ka një kasetë filmike, e cila është prova e vetme filmike e masakrës së Krushës në Kosovë.

“Ajo që kam publikuar dje është një fakt i bërë publik në mediat kosovare, z. Milaim Bellanica, poseduesi i kasetës së krimeve ja ka çuar kasetën Lulzim Bashës” tha Balla.

Balla i ka kërkuar kreut të opozitës t’i vëri këtë kasetë në dispozicion Kosovës dhe drejtësisë./Opinion.al

Pas