Teksa ka prezantuar ministrin e ri të Brendshëm, Bledi Çuçi, kryeministri Edi Rama është ndalur tek protestat e zhvilluara në Shqipëri që nga koha që ai është në krye të qeverisë.
Rama është shprehur se në 7 vite qeveria e tij nuk ka shkelur të drejtën për të protestuar dhe se në disa raste ka reflektuar nga protestat qytetarë dhe ka vendosur në favor të tyre.
Duke thumbuar opozitën, Rama tha se vetëm në Shqipëri ndodh që partitë politike nxisin dhunë në protesta dhe mendojnë se kanë të drejtën për të sharë dhe gjuajtur policinë dhe të mos kenë pasoja nga pas.
Kryeministri iu përgjigj dhe kritikëve të cilët deklarojnë se policia ka dhunuar protestuesit, duke shprehur të kundërtën. Rama ka theksuar se policia e shtetit nuk e ka tejkaluar kurrë të drejtën e ushtrimit të forcës gjatë protestave.
“E thënë ndryshe demokracia është e keqja më e vogël ndër format e mundshme e njohura deri më sot të organizmit shoqëror dhe shtetëror që do të thotë që padrejtësisë janë të pashmangshme edhe në demokraci, dhe protestat janë të pashmangshme, Protestat janë edhe të dobishme, Qeveria edhe më e mira në botë as nuk i zgjidh dot të gjitha hallet e një vendi apo shoqërie. Dhe ne jemi larg të qenit të pagabueshëm. Mund të them me plot gojën që gabimin e mosrespektimit të protestës qytetare ne nuk kemi bërë asnjëherë. Jam krenar për faktin se në këto 7 vite qeveria jo vetëm e ka dëgjuar gjithnjë zërin e protestuesve, por jo në pak raste ka reflektuar dhe ndryshuar qasjen apo qëndrim në lidhje me një çështje të caktuar përballë arsyes së protestuesve. Kjo mbase nuk është shumë por as pak, po të marrim parasysh eksperiencat e mëparshme. Për mua më e rëndësishmja është të bëhet gjëja e drejtë, dhe gjithnjë të ketë të drejtë qeveria. E drejta e protestës nuk është diskutuar asnjëherë, e drejta e protestuesve është gjithnjë në pikëpyetje. Kjo qeveri nuk e ka diktuar kurrë të drejtën e protestës dhe çdo protestues është respektuar gjithnjë. Respektimi i të drejtës së protestës ka shkaktuar shkeljen e të drejtës së të tjerëve po qytetar. Për shembull në rastin e Unazës së Re, e drejta e protestës është ushtruar dhe respektuar në interes të një grupi të caktuar, ndërkohë që është shkelur e drejta e një numri të madh qytetarësh për të qarkulluar lirisht çdo ditë me orë të tëra. E njëjta gjë me teatrin, ku një grup i caktuar artistësh mori peng për dy vite me radhë pronën publike dhe dhunuar me forcë zhvillimin enjë projekti për një teatër të ri kombëtar. nuk ka qenë dobësi nga ana jonë. Protestat mund të jetë një e drejtë që ushtron shumica apo pakica, nuk janë numrat që e përcaktojnë dhe një njeri ka të drejtë të protestojë. ka gjithmonë një kohë për të dëgjuar dhe një kohë për të vendosur, në një rast në favor të protestuesve dhe në një rast tjetër në favor të qeverisë, dhe kur them qeverisë është e drejta për të vendosur me manitin që ka nga shumica. Në 7 vite nuk ka ndodhur asgjë ndryshe nga vendet demokratike në lidhje me sjelljen e policisë me protestuesit. Por ka ndodhur që partitë politike kanë ushtruar dhunë, jo njëherë , por për muaj e muaj, me cikle apo ka ndodhur që është kthyer si një e drejtë e ligjëruar që polici mund të preket me dorë. Në asnjë vend demokratik nuk mundet që qytetari të shaj policin pa pasoja. Policia e shteti nuk e ka tejkaluar kurrë të drejtën e ushtrimit të forcës “, –tha Rama./ Opinion.al
