Aktualitet

Rama për 145 mijë vaksinat e BE: Gjithologët herë tjetër të mos gjykojnë


Bëhu pjesë e Grupit Zyrtar të Opinion.al
>> KËTU <<
               Publikuar në : 14:52 - 20/04/21 |
Opi Nion

Kryeministri Edi Rama ka reaguar pas lajmit të dhënë nga Presidentja e Komisionit Europian, Ursula Von der Leyen se në periudhën maj-gusht, në Shqipëri do të vijnë 145 mijë vaksina kundër koronavirusit.

Në një status në Twitter Rama thekson se Shqipëria ka siguruar dozën e dytë më të madhe nga kontrata e Bashkimit Europian në raport me 6 vendet e rajonit.

Më tej ai ka thënë se analistët, të cilët i cilëson si gjithollogë të mos nxitohen kur gjykojnë qëndrimet e tij ndaj BE.

“Shqipëria siguron dozën e dytë më të madhe nga kontrata e Bashkimit Europian me 6 vendet e rajonit për vaksinat Pfizer që BE do të shpërndajë në rajon.

Plot 145 mijë vaksina nga 651 mijë gjithsej për Ballkanin Perëndimor, do t’i marrë Shqipëria, kështu që herë tjetër mos të nxitohen analistët gjithologë dhe politikanët llogjellogë, kur gjykojnë qëndrimet e mia ndaj BE, në emër të popullit shqiptar.

Shumë faleminderit Komisionit Europian, Presidentes Von der Leyen, Komisionerit Varheley dhe ambasadorit Soreca, që e dëgjuan, respsektuan e përsëri po e ndihmojnë Shqipërinë, si miq të çmuar të këtij populli”, tha Rama./Opinion.al

Pas