Kryesore

Rama monitoron ditën e dytë të vaksinimit anti-COVID, Bino:Të moshuarit…


Bëhu pjesë e Grupit Zyrtar të Opinion.al
>> KËTU <<
               Publikuar në : 11:10 - 12/01/21 |
Opi Nion

Në ditën e dytë të fushatë së vaksinimit anti-COVID, kryeministri Edi Rama ka shkuar në stadiumin “Air Albania” për të monitoruar situatën.

Sipas ndarjes së kategorive, sot do të marrin dozën e parë të vaksinës epidemiologët nga Tirana, Durrësi, Kruja e Kavaja.

Shefja e ISHP-së, Silva Bino, teksa shoqëronte Ramën,  tha se shumë shpejt do të nisë edhe vaksinimi i të moshuarve.

Nuk kemi asnjë dozë të humbur, pra çdo flakon që hapet duhet të përdoret brenda 2 orësh këtu. Ne mund të vaksinojmë deri në 600 veta brenda ditës. Shumë shpejt nisim edhe me të moshuarit.”-tha Bino.

Stadiumi është shndërruar në një qendër të madhe shëndetësore ku do të presë dhjetëra persona. Stadiumi është rrethuar nga shirita si edhe forca policore për të ndaluar hyrjen e personave të pa autorizuar. Sot, njëjtë si dje, do të vaksinohen rreth 50-60 personel shëndetësor.

Para vaksinimit, qytetari duhet të plotësojë një formular ky duhet të përgjigjet lidhur me disa pyetje, bashkangjitur së cilës ka edhe disa informacione shtesë lidhur me vaksinën. Më pas, pozicionohet në një nga 60 postacionet dhe merr dozën e parë.

Pas marrjes së vaksinës është e detyrueshme që pacienti të qëndrojë për 20-30 minuta në monitorim nga ana e bluzave të bardha. Në fund, qytetari duhet të kthehet pas 21 ditësh për të marrë dozën e dytë, për të cilën theksohet se nëse nuk merret vaksina nuk ka efektin që pritet.

Në Shqipëri vaksinimi nisi ditën e djeshme, ndërsa personi i parë që mori vaksinën në vendin tonë ishte Shefja e Infektivit, Najada Çomo, për t’u ndjekur nga kryeministri Edi Rama dhe mjekët Pëllumb Pipero dhe Tritan Kalo./ Opinion.al

Pas