Aktualitet

Rama dhe Meta përkujtojnë 553 vjetorin e vdekjes së Skënderbeut


Bëhu pjesë e Grupit Zyrtar të Opinion.al
>> KËTU <<
               Publikuar në : 10:41 - 17/01/21 |
Opi Nion

Ditën e sotme kryeministri Edi Rama dhe presidenti Ilir Meta kanë përkujtuar të 553-vjetorin e vdekjes së Heroit tonë Kombëtar Gjergj Kastrioti,, i cili u nda nga jeta më 17 Janar 1468.

Kreu i qeverisë ka postuar një video nga Memoriali i Skënderbeut, ndërsa është mjaftuar vetëm duke iu uruar një të diel të mbarë qytetarëve.

“Mirëmëngjes dhe në këtë ditë përkujtimore të Gjergj Kastriotit Skënderbeut, ju uroj një të dielë të bukur”.-shkruan Rama karahas videos.

Memoriali i Skënderbeut është vendi ku me 2 Mars 1444 u mbajt “Besëlidhja e Lezhës” dhe ku më 17 Janar 1468 u varros heroi kombëtar.

Ndërkohë, Presidenti Meta është shprehur se Gjergj Kastrioti Skënderbeu, do të mbetet përgjithmonë ylli polar i kombit tonë dhe simboli më përbashkues. Meta thekson se Skënderbeu është krenaria, frymëzimi, fuqia dhe lavdia e kombit tonë.

Postimi i Metës

Gjergj Kastrioti Skënderbeu, do të mbetet përgjithmonë ylli polar i kombit tonë, simboli më përbashkues, që diti të na unifikojë në një Besëlidhje të Madhe, kur qenia jonë ishte më e rrezikuar se kurrë, “shqiptari më i gjallë ndër shqiptarët e gjallë”, përcaktuesi kryesor dhe pasaporta më dinjitoze e përkatësisë sonë europiane, Heroi ynë Kombëtar dhe i Europës së Bashkuar.  Krenaria, frymëzimi, fuqia dhe lavdia jonë!/ Opinion.al

Pas