Aktualitet

Qytetarit i rrezikohet jeta në plazh, Policia: Imazhe që nxisin reagime kundër nesh



Bëhu pjesë e Grupit Zyrtar të Opinion.al
>> KËTU <<
               Publikuar në : 17:01 - 04/08/22 |
Opi Nion

Policia ka reaguar publikimit në media të një videoje ku shihet se si një person me “jet ski” në bregdetin e Shëngjin i rrezikon jetën një pushuesi duke bërë manovra në det.

Sipas policisë, videoja e publikuar në media nuk është këtë sezon veror, por sipas saj, këto pamje iu dërgohen portaleve për të irrituar qytetarët kundër policisë.

Madje policia shkon edhe më tej, ku thotë se mediat nuk duhet të publikojnë video të tilla, pa marrë informacion nga policia.

Vetëm pak ditë më parë humbi jetën një vajzë 7 vjeçe pasi u përplas nga një skaf me drejtues Arjan Tase. Edhe pse ekziston një ligj për ti ndaluar mjetet lundruese ku pushojnë qytetarët, ai nuk respektohet nga askush si nga qytetarët, nga Bashkitë apo dhe organet ligjzbatuese.

Reagim i Policisë Kufitare Shëngjin

Në lidhje me një video të publikuar në rrjetet sociale, në të cilën shfaqet një person, me një mjet lundrues “Jet ski”, në det, në Shëngjin, duke kryer manovra që rrezikojnë jetën e një qytetari që po notonte, ju informojmë se:

Pamjet që shfaqen në video nuk janë aktuale të këtij sezoni veror, por të disa viteve më parë. Aktualisht, në vendin që shfaqet në video, ndodhet një objekt i ndërtuar para disa viteve.

Nisur nga publikimet e fundit në portale, të cilat nuk janë pamje aktuale, por që u dërgohen me tendencë portaleve për publikim, me qëllim nxitjen e reagimit qytetar, Policia e Shtetit apelon për çdo portal dhe media vizive e të shkruar, që të mos publikojnë video ose lajme të pakonfirmuara, por të marrin informacion të saktë pranë strukturave përgjegjëse në Policinë e Shtetit.

Pas