Te Fundit

Qytetari i akuzon për dhunë, policia: Kanosi me jetë efektivët


Bëhu pjesë e Grupit Zyrtar të Opinion.al
>> KËTU <<
               Publikuar në : 12:50 - 25/10/21 |
Opi Nion

Një tregtar fruta-perimesh nga Elbasani akuzon se është dhunuar nga efektivë të policisë së Lushnjes në rreth-rrotullimin e Savërit dy dite me pare.

Amarildo Hoxha, pohon se ka qenë duke udhëtuar me mjetin e tij nga Fieri në Elbasan ku është ndaluar nga një postbllok policie dhe efektivë e kanë dhunuar fizikisht, për faktin se ai ka qenë filmuar në celular.

“Më ndaloi një polic, pa telefonin që po filmoja dhe ma mori me forcë dhe më godiste nga koka, kërkoj drejtësi. Polici më tha se duke e filmuar do e hiqja nga puna, ndërhyri pastaj polici tjetër për ta larguar”, tha Hoxha.

Prokuroria e Lushnjes ka nisur hetimet për zbardhjen e plotë të kësaj ngjarjeje, ndërkohë që ka reaguar edhe Policia. Sipas një deklarate zyrtare, policia bën me dije se qytetari ka refuzuar të japë dokumentat dhe ka kanosur punonjësit e policisë.

“Në lidhje me pretendimet e shtetasit A. H., të bëra publike në media, ku akuzon punonjësit e Policisë Lushnjë, për dhunë të ushtruar ndaj tij, sqarojmë opinionin publik se:

Në kuadër të masave të marra për kapjen e autorëve të vrasjes së ndodhur në orët e mbrëmjes së datës 23.10.2021, në qytetin e Fierit, shërbimet e Komisariatit të Policisë Lushnjë kishin ngritur pikë kontrolli në vendin e quajtur “Rotondo e Savrës”, Lushnjë. Rreth orës 04:40 të mëngjesit të datës 24.10.2021, kanë ndaluar mjetin me targa AA 935 CR ( me drejtues të identifikuar më pas si shtetasi A. H., 28 vjeç, banues në Drenovicë, Berat), i cili ka refuzuar të japë dokumentet e identifikimit, duke fyer dhe kanosur  për jetën efektivët e Policisë. Shërbimet e Policisë kanë bërë shoqërimin forcërisht të shtetasit  A. H., në Komisariatin e Policisë Lushnjë”, bën me dije policia.

“Në lidhje me këtë rast, Drejtori i Përgjithshëm i Policisë së Shtetit ka urdhëruar Drejtorinë e Standardeve Profesionale, për të dërguar një grup pune në Komisariatin e Policisë Lushnjë, me qëllim verifikimin e rastit dhe nisjen e hetimit disiplinor në rast se konstatohet tejkalim i kompetencave të punonjësve të Policisë në kryerjen e detyrës”, thuhet në njoftim./Opinion.al

Policia e Shtetit është e angazhuar maksimalisht për të luftuar krimin dhe për t’u ofruar qytetarëve një shërbim sa më cilësor dhe në këtë kuadër nuk do të tolerojë asnjë punonjës policie që do abuzojë me detyrën, dhe me forcën e ligjit do veprojë ndaj çdo individi që cenon ligjin apo integritetin fizik të punonjësve të Policisë”, njofton policia./Opinion.al

Pas