Qentë endacakë janë kthyer në nje shqetësim I cili nuk po merr asnjë zgjidhje. Përkundrazi situata vetëm perkeqësohet. Tufat e qeneve që enden rrugëve tashmë I gjen ne cdo cep të Kryeqytetit. Nëse më parë ky ishte një problem që kishte të bente me zonat periferike tashmë ne mes të një prej zonave më të popullara dhe ne modë si “ish blloku” mund te hasësh tufa të tëra të cilat arrijne deri ne 15 apo 20 qen endacak. Mes tyre tashmë nuk ben dot dallimin nese ka të regjistruar si endacak dhe me shenjat dalluese, apo edhe qen të cilet i janë shtuar rishtaz këtyre tufave.
Bashkia e Tiranes ngre duart dhe dorëzohet duke thënë se ky është një problem I mbartuar nga bashkia paraardhëse, një argumentim ky që përdoret shpesh edhe per të tjera shqetësime që kanë të bëjne me mbarëvajtjen e punëve ne qytetin tonë. Ndersa tufat e qenëve shtohen e shtohen dita ditës.
Një debat I hapur është gjithmonë prezent edhe për menyrën se si duhen trajtuar keto tufa që shpesh jane edhe të rrezikshme. Paniku ndër njerëz të ndryshëm të cilët banojnë pranë zonave të cilat kanë reflektuar probleme me keto tufa qensh është në rritje. Së fundmi sollëm rastin e nje tufe qensh të cilet ishin ulur dhe benin sehir pikerisht përpara “Librit Universitar”. Të rriturit mund te kujdesen edhe vete duke e shmangur kalimin pranë tyre, por shqetësim janë femijë të cilët levizin neper troturare teksa dalin nga dyert e shkollave apo teksa hyjne në ambjentet e hyrjeve të pallateve.
Bashkia e drejtuar nga Erion Veliaj premtoi se do të kthente disa kapanone të bashkisë apo ushtrisë në qendra strehimi ku qentë te strehoheshin dhe të vaksinoheshin por asgjë nga këto nuk ndodhi. Kryetari I Bashkisë Tiranë, është shprehur kategrikisht kundër vrasjes së tyre duke e quajtur me të drejtë si makabritet por cila është zgjidhja e munguar? Zgjidhja ende duket larg. Nëse është një problëm fondesh, ato asnjëhere nuk kanë munguar, tek shoqatat që merren me mbrojtjen e tyre. Por mbase ato janë të pafuqishme për të perballuar një fluks kaq të madh. Keto shoqata pavaresisht punës shumë të mirë në disa raste shpesh janë edhe të dyshimta pdër financimet që marrin dhe shpenzimet e këtyre parave.
Qentë janë kthyer në një problem serioz për banorët e kryeqytetit, pasi në disa raste ata sulmojnë qytetarët. Incidente në zona të ndryshme nuk kanë munguar. Qeni mund të transmetojë edhe sëmundje, duke qenë se në shumicen e rasteve janë te pavaksinuar. Pothuajse në të gjitha lagjet e kryeqytetit qentë janë shtuar dhe mundësitë për incidente gjithashtu. Më parë janë shënuar incidente edhe pranë Liqenit Artificial, por bashkia mori masa, duke e ndaluar shëtitjen e qenve pa maska mbrojtëse ndërsa tani këto masa duket se janë lënë serish në harresë.
